മുംബൈ: ക്രിക്കറ്റ് കളിക്കുന്നതിനിടെ പന്ത് ജനനേന്ദ്രിയത്തിൽ കൊണ്ട് 11 കാരൻ മരിച്ചു. മഹാരാഷ്ട്രയിലെ പൂനയിലാണ് സംഭവം. പന്ത് തട്ടിയതിനെ തുടര്‍ന്ന് അബോധാവസ്ഥയിലായ കുട്ടിയെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.
ശംഭു കാളിദാസ് ആണ് മരിച്ചത്. വേനലവധിക്കാലത്ത് സ്‌കൂളില്‍ കൂട്ടുകാരുമൊന്നിച്ച് ക്രിക്കറ്റ് കളിക്കുന്നതിനിടെയാണ് ശംഭുവിന്‍റെ സ്വകാര്യഭാഗത്ത് പന്ത് തട്ടിയത്. ശംഭുവാണ് പന്ത് എറിഞ്ഞത്. ബാറ്റര്‍ അടിച്ച പന്ത് അപ്രതീക്ഷിതമായി തനിക്ക് നേരെ വരുന്നത് കണ്ട് ശംഭുവിന് ഒഴിഞ്ഞുമാറാന്‍ സാധിച്ചില്ല.
സ്വകാര്യഭാഗത്ത് പന്ത് കൊണ്ടുള്ള അടിയേറ്റ് വേദന കൊണ്ട് പുളഞ്ഞ കുട്ടി ഉടന്‍ തന്നെ കുഴഞ്ഞുവീഴുകയായിരുന്നു. കളി കാണാന്‍ എത്തിയവരും കൂട്ടുകാരും ചേര്‍ന്ന് കുട്ടിയെ രക്ഷിക്കാന്‍ ശ്രമിച്ചെങ്കിലും സാധിച്ചില്ല. ഉടന്‍ തന്നെ ആശുപത്രിയില്‍ എത്തിച്ചെങ്കിലും 11കാരന് മരണം സംഭവിച്ചതായി ഡോക്ടര്‍മാര്‍ സ്ഥിരീകരിക്കുകയായിരുന്നു.
Join Our Whats App group
https://chat.whatsapp.com/HN3zUlGc2Va9613524dFBp
Post A Comment: