കുളിമുറി ദൃശ്യം പുറത്ത് വിടാതിരിക്കാൻ കൂട്ട ബലാത്സംഗം; അറസ്റ്റ്

കൊല്ലം: യുവതി അറിയാതെ കുളിമുറി ദൃശ്യം പകർത്തിയ ശേഷം ഭീഷണിപ്പെടുത്തി കൂട്ട ബലാത്സംഗം ചെയ്‌ത കേസിൽ യുവാവ് അറസ്റ്റിൽ. വധ ശ്രമമടക്കമുള്ള കേസിലെ പ്രതിയായ ആദിനാട് സ്വദേശി ഷാൽ കൃഷ്ണനാണ് (38) അറസ്റ്റിലായത്. ഇയാളും സുഹൃത്തുക്കളും ചേർന്നാണ് യുവതിയെ കൂട്ട ബലാത്സംഗം ചെയ്‌തത്.

കരുനാഗപ്പള്ളി പൊലീസാണ് യുവാവിനെ പിടികൂടിയത്. യുവതി അറിയാതെ കുളിമുറി ദൃശ്യങ്ങള്‍ പകര്‍ത്തുകയും അവ പ്രചരിപ്പിക്കുമെന്ന് ഭീഷണിപ്പെടുത്തി പീഡനത്തിനിരയാക്കുകയായിരുന്നുവെന്ന് പൊലീസ് പറഞ്ഞു. 

തുടര്‍ന്ന് പ്രതി രണ്ട് സുഹൃത്തുക്കളെയും കൂട്ടി രാത്രി യുവതിയുടെ വീട്ടില്‍ അതിക്രമിച്ച് കടന്ന് മൂവരും ചേര്‍ന്ന് മര്‍ദ്ദിച്ച് കൂട്ടബലാത്സംഗം ചെയ്തതായും പൊലീസ് അറിയിച്ചു. 

ഷാല്‍ കൃഷ്ണയോടൊപ്പമുണ്ടായിരുന്ന രണ്ട് പ്രതികള്‍ ഒളിവിലാണ്. ഇവര്‍ വധശ്രമം, വഞ്ചന, കവര്‍ച്ച, നര്‍ക്കോട്ടിക്, അബ്കാരി കേസുകളിലെ പ്രതികളാണെന്നും പൊലീസ് വ്യക്തമാക്കി.

കരുനാഗപ്പള്ളി എസിപി പ്രദീപ് കുമാറിന്‍റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. 

Join Our Whats App group

https://chat.whatsapp.com/EHHrJBoyVtLCzZWup9UaY6

കിഴക്കൻ അറബിക്കടലിൽ ന്യൂന മർദം; ശക്തമായ മഴ തുടരും 

തിരുവനന്തപുരം: കേരള തീരത്തിനു അരികത്തായി തെക്ക് കിഴക്കൻ അറബിക്കടലിൽ ന്യൂന മർദം രൂപപ്പെട്ടു. ഇതോടെ അടുത്ത അഞ്ച് ദിവസം കൂടി കേരളത്തിൽ മഴ തുടരുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. 

ഇടി, മിന്നല്‍, കാറ്റ് എന്നിവയോട് കൂടിയ മിതമായ അല്ലെങ്കില്‍ ഇടത്തരം മഴയ്ക്കാണ് സാധ്യത. ഇന്ന് (2024 മെയ് 24)  സംസ്ഥാനത്തെ ഒറ്റപ്പെട്ട സ്ഥലങ്ങളില്‍ അതിശക്തമായ മഴ പെയ്യും. ഇന്ന് മുതല്‍ നാളെ വരെ ശക്തമായ മഴയ്ക്കും സാധ്യതയുണ്ട്. 

മധ്യ പടിഞ്ഞാറന്‍ ബംഗാള്‍ ഉള്‍ക്കടലിലെ ശക്തികൂടിയ ന്യൂനമര്‍ദ്ദം മധ്യ ബംഗാള്‍ ഉള്‍ക്കടലില്‍ തീവ്ര ന്യൂനമര്‍ദ്ദമായി ശക്തി പ്രാപിച്ചിട്ടുണ്ട്. 25ന് രാവിലെയോടെ മധ്യ കിഴക്കന്‍ ബംഗാള്‍ ഉള്‍ക്കടലില്‍ ചുഴലിക്കാറ്റായും തുടര്‍ന്ന് 25ന് വൈകിട്ടോടെ വീണ്ടും ശക്തി പ്രാപിച്ച് തീവ്രചുഴലിക്കാറ്റായും മാറാന്‍ സാധ്യതയുണ്ട്. 

തുടര്‍ന്ന് 26 നു രാത്രിയോടെ ബംഗ്ലാദേശ് - പശ്ചിമ ബംഗാള്‍ തീരത്ത് സാഗര്‍ ദ്വീപിനും ഖെപ്പുപാറക്കും ഇടയില്‍ കരയില്‍  പ്രവേശിക്കാന്‍ സാധ്യതയുണ്ടെന്നാണ് വിലയിരുത്തല്‍.

സംസ്ഥാനത്ത് ഇന്ന് എല്ലാ ജില്ലകളിലും മഴ പെയ്യും. അതേസമയം മുന്നറിയിപ്പുകളില്‍ മാറ്റമുണ്ട്. മൂന്ന് ജില്ലകളില്‍ ഓറഞ്ച് അലര്‍ട്ട് തുടരുന്നുണ്ട്. ഒൻപത് ജില്ലകളില്‍ യെല്ലോ അലര്‍ട്ട് പുറപ്പെടുവിച്ചു. കോഴിക്കോട്, കണ്ണൂര്‍, കാസര്‍കോട് ജില്ലകളില്‍ കൂടിയാണ് യെല്ലോ അലര്‍ട്ട് പ്രഖ്യാപിച്ചത്.