ദോഹ: റാപ്പർ വേടൻ എന്ന ഹിരൺദാസ് മുരളിയെ കടുത്ത വൈറൽ പനിയെ തുടർന്ന് ആശുപത്രിയിൽ പ്രവേശിപ്പിച്ചു. ദുബൈയിലെ ആശുപത്രിയിലാണ് വേടനെ പ്രവേശിപ്പിച്ചത്. വെള്ളിയാഴ്ച്ച ഖത്തറിൽ നടക്കേണ്ടിയിരുന്ന പരിപാടി മാറ്റിയിട്ടുണ്ട്.
ഡിസംബർ 12ലേക്കാണ് പരിപാടി മാറ്റിയതെന്ന് സംഘാടകർ അറിയിച്ചു. ദോഹയിലെ ഏഷ്യൻ ടൗണിലുള്ള ആംഫി തിയേറ്ററിലാണ് വേടന്‍റെ പരിപാടി അരങ്ങേറുക. കഴിഞ്ഞ ഞായറാഴ്ച്ച ഖിസൈസിൽ വേടൻ പരിപാടി അവതരിപ്പിച്ചിരുന്നു. അസുഖത്തെ തുടർന്ന് അവസാന നിമിഷമാണ് വേടൻ സ്റ്റേജിലെത്തിയത്.
വേടൻ നിലവിൽ തീവ്ര പരിചരണ വിഭാഗത്തിലാണെന്നാണ് വിവരം. ആശുപത്രിയിൽ നിന്നുള്ള ചിത്രം വേടൻ ഇൻസ്റ്റഗ്രാം സ്റ്റോറിയായി പങ്കുവച്ചിട്ടുണ്ട്. വേടന്‍റെ ആരോഗ്യ നിലയിൽ ആശങ്ക വേണ്ടെന്നും രണ്ടു ദിവസത്തിനുള്ളിൽ ആശുപത്രി വിടുമെന്നുമാണ് അടുത്ത സുഹൃത്തുക്കൾ അറിയിച്ചു.
Join Our Whats App group
https://chat.whatsapp.com/EHHrJBoyVtLCzZWup9UaY6
Post A Comment: