ശ്രീനഗര്: പാക് സൈന്യത്തിന്റെ സഹായത്തോടെ അമർനാഥ് തീർഥാടകരെ ലക്ഷ്യമിട്ട് തീവ്രവാദ നീക്കം. അമേരിക്കൻ നിർമിത ആയുധങ്ങളും തീവ്രവാദ സംഘങ്ങളിൽ നിന്നും കണ്ടെത്തിയതായി ഇന്ത്യൻ സുരക്ഷാ സേന അറിയിച്ചു. പാകിസ്ഥാന് ആയുധങ്ങളെത്തിച്ച് സഹായം നൽകുന്നുണ്ടെന്ന ആരോപണം മുമ്പ് അമേരിക്ക നിഷേധിച്ചിരുന്നു.
തീവ്രവാദികളുടെ താവളങ്ങളില് സൈന്യം നടത്തിയ റെയ്ഡില് പിടിച്ചെടുത്ത അമേരിക്കന് നിര്മ്മിത എം 24 സ്നൈപ്പര് ഗണും പാക് സൈന്യം ഉപയോഗിക്കുന്ന മൈനുകളും സേന വാര്ത്താസമ്മേളനത്തിനിടെ പ്രദര്ശിപ്പിച്ചു. കരസേന ചിനാർ കമാന്ഡര് കെജെഎസ് ധില്ലന്, ജമ്മു കശ്മീര് പൊലീസ് മേധാവി ദില്ബാഗ് സിംഗ്, സിആര്പിഎഫ് അഡീ.ഡയറക്ടര് ജനറല് സുല്ഫിക്കര് ഹസന് എന്നിവരാണ് തീവ്രവാദികളില് നിന്നുള്ള ഭീഷണിയെക്കുറിച്ച് മാധ്യമങ്ങളോട് വിശദീകരിച്ചത്.
അമര്നാഥ് യാത്ര അട്ടിമറിക്കുക എന്നതാണ് പാകിസ്ഥാന്റെ പിന്തുണയുള്ള തീവ്രവാദികളുടെ ലക്ഷ്യം. അമര്നാഥ് തീര്ത്ഥാടകരെ തീവ്രവാദികള് ലക്ഷ്യമിടുന്നതായി കഴിഞ്ഞ മൂന്ന്-നാല് ദിവസത്തിനിടെ പലതവണ രഹസ്യാന്വേഷണ എജന്സികള് റിപ്പോര്ട്ട് ചെയ്തിട്ടുണ്ട്. തീവ്രവാദികളുടെ ഒളിയിടങ്ങളില് നടത്തിയ റെയ്ഡുകളിലും ഈ രീതിയിലുള്ള സൂചനകള് ലഭിച്ചു. - കരസേനയുടെ ചിനാര് കോര്പ്സ് കമാന്ഡര് ലെഫ്. ജനറല് കെജെഎസ് ധില്ലന് എന്നിവർ പറഞ്ഞു. അമര്നാഥ് തീര്ത്ഥാടന പാതയില് പലയിടത്തും ക്രൂഡ് ബോംബുകളടക്കമുള്ള സ്ഫോടകവസ്തുകള് കണ്ടെടുത്തതായും അദ്ദേഹം വ്യക്തമാക്കി.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: