കൊച്ചി: പ്രളയത്തിൽ അകപ്പെട്ട നടി മഞ്ജു വാര്യരെയും സംഘത്തെയും രക്ഷിക്കാൻ മുൻ ഭർത്താവും നടനുമായ ദിലീപ്. എറണാകുളം എംപി ഹൈബി ഈഡനാണ് വിഷയത്തിൽ ദിലീപീന്റെ ഇടപെടൽ വെളിപ്പെടുത്തിയത്. മഞ്ജുവും സംഘവും സിനിമാ ഷൂട്ടിങ്ങിനിടെ കനത്ത മഴയിലും മണ്ണിടിച്ചിലിലുംപെട്ട് ഹിമാചൽ പ്രദേശിൽ കുടുങ്ങി കിടക്കുകയായിരുന്നു.
ഹൈബി ഈഡനോട് നടൻ ദിലീപാണ് മഞ്ജുവും സംഘവും കുടുങ്ങി കിടക്കുന്ന വിവരം അറിയിച്ചത്. തുടർന്ന് കേന്ദ്ര ധനകാര്യ സഹ മന്ത്രിയും ഹിമാചലില് നിന്നുള്ള എം.പിയുമായ അനുരാഗ് താക്കൂറിനോട് സംഭവത്തിൽ ഇടപെടാൻ ആവശ്യപ്പെട്ടതായി ഹൈബി ഈഡന് എംപി വ്യക്തമാക്കി.
ഫേസ്ബുക്ക് കുറിപ്പ് കുറിപ്പിന്റെ പൂര്ണരൂപം
മഞ്ജു വാര്യരും സംഘവും ഹിമാചലിലെ ചത്രു എന്ന സ്ഥലത്ത് പ്രളയത്തില് കുടുങ്ങി കിടക്കുകയാണ്. ഇരുന്നൂറോളം വരുന്ന സംഘത്തോടൊപ്പമാണ് മഞ്ജു വാര്യരുമുള്ളത്. മഞ്ജുവിനോടൊപ്പമുള്ള സംഘത്തില് 30 ഓളം പേരാണുള്ളത്. അവരുടെ സഹോദരന് മധു വാര്യരുമായി സാറ്റലൈറ്റ് ഫോണ് വഴി ബന്ധപ്പെട്ടു എന്നാണ് അറിയാന് സാധിക്കുന്നത്. രണ്ട് ദിവസത്തേക്കുള്ള ഭക്ഷണം മാത്രമാണ് അവരുടെ പക്കലുള്ളത്.
നടന് ദിലീപാണ് തന്നെ വിളിച്ച് ഇക്കാര്യം അറിയിച്ചത്. രക്ഷപ്പെടുത്തുന്നതിനുള്ള നടപടികള് സ്വീകരിക്കണമെന്ന് അദ്ദേഹം ആവശ്യപ്പെട്ടു. കേന്ദ്ര ധനകാര്യ സഹ മന്ത്രിയും ഹിമാചലില് നിന്നുള്ള എം. പി യുമായ അനുരാഗ് താക്കൂറുമായി ബന്ധപ്പെട്ടു. രക്ഷാ പ്രവര്ത്തനത്തിന് ആവശ്യമായ എല്ലാ നടപടികളും സ്വീകരിക്കാമെന്ന് അദ്ദേഹം ഉറപ്പ് നല്കിയിട്ടുണ്ട്. മഞ്ജു വാര്യരുടെയും സംഘത്തിന്റെയും തിരിച്ചു വരവിനായി നമുക്ക് പ്രാര്ത്ഥിക്കാം.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/IeYcvZizDl2Bmro5SsP1DB
ഫെയ്സ് ബുക്ക് പേജ് ലൈക്ക് ചെയ്യുവാൻ
https://www.facebook.com/superprimetime/?modal=admin_todo_tour
Post A Comment: