ക്ലാസ് മുറിയിൽ വച്ച് വിവാഹിതരായ പ്ലസ് ടു വിദ്യാർഥികളെ സ്കൂൾ അധികൃതർ പുറത്താക്കി. ആന്ധ്രാപ്രദേശിലെ രാജമുണ്ടിയിലാണ് സംഭവം നടന്നത്. ഇരുവര്ക്കും പ്രായപൂര്ത്തിയായിട്ടില്ല. സംഭവത്തിന്റെ വീഡിയോ ദൃശ്യങ്ങള് വ്യാപകമായി പ്രചരിച്ചതിനെ തുടര്ന്നാണ് കോളെജ് അധികൃതരുടെ നടപടി. ഒരുമിനിറ്റ് ദൈർഘ്യമുള്ള ഇവരുടെ വിവാഹ വീഡിയോയാണ് കഴിഞ്ഞ ദിവസം പുറത്തു വന്നത്. ആരുമില്ലാത്ത ക്ലാസ് മുറിയില് ആണ്കുട്ടി പെണ്കുട്ടിയുടെ കഴുത്തില് താലികെട്ടുന്നതാണ് വീഡിയോയിൽ കാണുന്നത്.
മറ്റൊരു സുഹൃത്ത് ഇത് മൊബൈലില് പകര്ത്തുകയായിരുന്നു. നവംബര് ആദ്യമാണ് സംഭവം നടന്നതെന്ന് പറയുന്നു. പെണ്കുട്ടിയുടെ ബന്ധുക്കളെ കാണിക്കാനാണ് ഇവര് ക്ലാസ് മുറിയില്വെച്ച് വിവാഹിതരായത്. താലി കെട്ടിയതിന് ശേഷം നെറ്റിയില് സിന്ദൂരമണിയാനും പെണ്കുട്ടി നിര്ദേശിക്കുന്നുണ്ട്. ആരെങ്കിലും വരും മുമ്പ് സിന്ദൂരമണിയാനാണ് പെണ്കുട്ടി നിര്ദേശിക്കുന്നത്.
സിന്ദൂരമണിഞ്ഞ ശേഷം വധൂവരന്മാരെപ്പോലെ ഇരുവരും ഫോട്ടോക്ക് പോസ് ചെയ്യുന്നു. വീഡിയോ ഷൂട്ട് ചെയ്ത സഹപാഠിയെയും കോളെജ് അധികൃതര് പറഞ്ഞുവിട്ടു. ആരാണ് വീഡിയോ സോഷ്യല്മീഡിയയില് പ്രചരിപ്പിച്ചതെന്ന് വ്യക്തമായിട്ടില്ല. കോളേജ് സുരക്ഷാ ജീവനക്കാരനെ പറഞ്ഞ് വിശ്വസിപ്പിച്ചാണ് ഇവര് ക്ലാസ് മുറിയിലേക്ക് കയറിയതെന്നാണ് വിവരം. ശിശുക്ഷേമ അധികൃതർ വിഷയത്തിൽ ഇടപെട്ടിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: