കൊച്ചി: ഷോപ്പിങ് മാളിലെ ഹൈപ്പർ മാർക്കറ്റിൽ യുവാക്കളുടെ അതിക്രമത്തിന് ഇരയാകേണ്ടി വന്നത് മലയാളത്തിൽ ശ്രദ്ധ നേടിയ യുവ നടിക്ക്. ചുരുങ്ങിയ ചിത്രങ്ങളിലൂടെ ശ്രദ്ധ നേടിയ നടി ഒരു ഘട്ടത്തില്‍ ദേശീയ അവാര്‍ഡിനു വരെ പരിഗണിക്കപ്പെട്ടിരുന്നു. സ്വന്തം വ്യക്തിത്വം തുറന്നു പറഞ്ഞു തന്നെ ധൈര്യസമേതം ഇന്‍സ്റ്റഗ്രാമില്‍ പോസ്റ്റിട്ട നടി ഏവര്‍ക്കും ഒരു മാതൃകയാവുകയാണ്.
പ്രമുഖ സിനിമ പ്രവര്‍ത്തകനായ പിതാവിന്‍റെ പിന്തുണയോടെയാണ് നടി ഇന്‍സ്റ്റഗ്രാമില്‍ പോസ്റ്റിട്ടത്. സംഭവത്തില്‍ പൊലീസ് സിസി ടിവി ദൃശ്യങ്ങള്‍ പരിശോധിച്ച് അക്രമികളെ കണ്ടെത്തിയിട്ടുണ്ട്. തന്‍റെ ശരീരത്തില്‍ മാളില്‍ വച്ച് യുവാക്കളില്‍ ഒരാല്‍ മനപൂര്‍വം സ്പര്‍ശിച്ചെന്നും പിന്തുടര്‍ന്നു വന്ന് സംസാരിക്കാന്‍ ശ്രമിച്ചെന്നുമാണ് നടി സമൂഹമാധ്യമത്തില്‍ പോസ്റ്റ് ചെയ്തത്.
സംഭവത്തിനു പിന്നാലെ ഇവര്‍ സ്ഥലത്തു നിന്ന് കടന്നു കളഞ്ഞതിനാല്‍ ആ സമയം തനിക്ക് പ്രതികരിക്കാന്‍ സാധിച്ചില്ലെന്നും തന്നെ മനപൂര്‍വം സ്പര്‍ശിക്കുന്നത് ഒപ്പമുണ്ടായിരുന്ന സഹോദരി കണ്ടതാണെന്നും അവര്‍ വന്ന് ചോദിച്ചപ്പോഴാണ് വ്യക്തത വന്നതെന്നും പോസ്റ്റില്‍ പറയുന്നു. ഈ സംഭവത്തില്‍ അപമാനത്തിനിരയായ നടിയെ സന്ദര്‍ശിക്കുമെന്നും സ്വമേധയാ കേസെടുക്കുമെന്നും വനിത കമ്മീഷന്‍ വ്യക്തമാക്കി. അതേ സമയം വിഷയത്തില്‍ പ്രതികരിക്കാന്‍ താല്‍പര്യമില്ലെന്നാണ് നടിയുടെ പിതാവ് പ്രതികരിച്ചിരിക്കുന്നത്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: