റോം: നൈറ്റ് പട്രോളിങ്ങിനിടെ പൊലീസ് വാഹനത്തിൽ ലൈംഗിക ബന്ധത്തിലേർപ്പെട്ട ഉദ്യോഗസ്ഥരെ കൈയോടെ പൊക്കി. 40കാരിയായ വനിതാ ഉദ്യോഗസ്ഥയും മറ്റൊരു ഉദ്യോഗസ്ഥനുമാണ് പിടിക്കപ്പെട്ടത്. പട്രോളിങ്ങിനിടെ ഇവർ പൊലീസിന്‍റെ ഔദ്യോഗിക വാഹനം നിർത്തിയിട്ട ശേഷം ലൈംഗിക ബന്ധത്തിലേർപ്പെടുകയായിരുന്നുവെന്ന് വാണ്ടട് ഇൻ റോം ഡോട് കോം റിപ്പോർട്ട് ചെയ്യുന്നു. വാഹനത്തിലെ റേഡിയോ സംവിധാനം ഓണായിരിക്കുന്നത് ശ്രദ്ധിക്കാതിരുന്നതാണ് വിനയായത്.
കാറിനുള്ളിലെ സംഭാഷണങ്ങളും മറ്റും റെക്കോഡ് ചെയ്യപ്പെടുകയും സംഭവം കയ്യോടെ പിടിക്കപ്പെടുകയും ചെയ്യുകയായിരുന്നു. ടോർ ഡി ക്വിന്‍റോയിലെ പാര്‍ക്കിനു സമീപം വാഹനം നിർത്തിയിട്ടിട്ടായിരുന്നു ഉദ്യോഗസ്ഥരുടെ പ്രണയ ലീല. എന്നാല്‍ വാഹനത്തിലെ വയര്‍ലെസ് സംവിധാനം ഈ സമയം ഓണായിരുന്നു. അബദ്ധത്തില്‍ റെക്കോഡായ ഇവരുടെ സംഭാഷണ ശകലങ്ങളും മറ്റും ഇപ്പോള്‍ പൊലീസ് ഗ്രൂപ്പ് ചാറ്റുകളിൽ വൈറലാണ്. സംഭവം പുറത്തായതോടെ മുനിസിപ്പൽ പൊലീസ് കമാൻഡ് അച്ചടക്കനടപടി ആരംഭിച്ചെന്നാണ് റിപ്പോര്‍ട്ടുകള്‍. പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നത് പ്രകാരം സംഭവത്തില്‍ ഉള്‍പ്പെട്ട സ്‍ത്രീ, ഒരു മുന്‍ പൊലീസ് ഉദ്യോഗസ്ഥന്‍റെ മകളാണ്.
സംഭവം പൊലീസിന്‍റെയും പ്രതിഛായയെ തകർക്കുന്നതാണെന്നും സംഭവത്തെ വളരെ ഗൗരവത്തോടെയാണ് കാണുന്നതെന്നും അധികൃതര്‍ വ്യക്തമാക്കി. കേസിനെക്കുറിച്ച് പേഴ്‌സണൽ ഡിപ്പാർട്ട്‌മെന്‍റിന് ഉടൻ മുന്നറിയിപ്പ് നൽകിയെന്നും തുടര്‍ന്ന് ആരോപണവിധേരായ രണ്ട് ഉദ്യോഗസ്ഥരും സമിതിയുടെ മുന്നില്‍ ഹാജരായി വിശദീകരണം നല്‍കിയെന്നുമാണ് റിപ്പോര്‍ട്ടുകള്‍. ഇവര്‍ ഇപ്പോള്‍ സസ്‍പെന്ഷനിലാണ്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: