കൊൽക്കത്ത: ഡേർട്ടി പിച്ചറിലൂടെ ശ്രദ്ധ നേടിയ ബോളിവുഡ് താരം ആര്യ ബാനർജിയെ (33) അപ്പാർട്ട് മെന്റിൽ മരിച്ച നിലയിൽ കണ്ടെത്തി. തെക്കൻ കൊൽക്കത്തയിലെ അപ്പാർട്മെന്റിലാണ് വെള്ളിയാഴ്ച്ച താരത്തെ മരിച്ച നിലയിൽ കണ്ടെത്തിയത്. രാവിലെ അപ്പാർട്മെന്റിൽ എത്തിയ ജോലിക്കാരി കോളിങ് ബെല്ല് അടിച്ചിട്ടും ഫോണിൽ വിളിച്ചിട്ടും ആര്യ പ്രതികരിക്കാത്തതിനെ തുടർന്ന് സമീപവാസികളെ വിവരം അറിയിച്ചു.
ഇവർ പൊലീസിനെ വിവരം അറിയിച്ചു. പൊലീസ് സ്ഥലത്തെത്തി അപാർട്മെന്റിന്റെ വാതിൽ തകർത്താണ് അകത്തുകയറിയത്. ബെഡ്റൂമിൽലായിരുന്നു മൃതദേഹം കണ്ടെത്തിത്. ആര്യ ഇവിടെ ഒറ്റക്കായിരുന്നു താമസിച്ചിരുന്നത്. 2011 ൽ പുറത്തിറങ്ങിയ ഹിന്ദി ചിത്രമായ ദ് ഡേർട്ടി പിക്ച്ചറിൽ വിദ്യാ ബാലനോടൊപ്പം അഭിനയിച്ചാണ് ആര്യ ശ്രദ്ധ നേടിയത്. മൃതദേഹം ഫൊറൻസിക് പരിശോധനയ്ക്കായി അയച്ചെന്നും പൊലീസ് അറിയിച്ചു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: