ആലപ്പുഴ: ട്രെയിൻ ശുചിമുറിയിലെ വേസ്റ്റ് ബിന്നിൽ ഗർഭസ്ഥ ശിശുവിന്‍റെ മൃതദേഹം ഉപേക്ഷിച്ച നിലയിൽ കണ്ടെത്തി. ഇന്നലെ രാത്രി ധന്‍ബാദ് - ആലപ്പുഴ എക്‌സ്പ്രസ് ട്രെയിനിന്‍റെ എസ് ത്രി കോച്ചിലെ ശുചിമുറിയിലാണ് മൃതദേഹം കണ്ടത്.
ഏകദേശം നാലു മാസത്തോളം പ്രായമുള്ള ഭ്രൂണമാണിതെന്ന് പ്രാഥമിക പരിശോധനയില്‍ വ്യക്തമായിട്ടുണ്ട്. രാത്രി റെയില്‍വേ പ്രൊട്ടക്ഷന്‍ ഫോഴ്‌സ് (ആര്‍.പി.എഫ്) നടത്തിയ പതിവ് പരിശോധനയിലാണ് സംഭവം പുറത്തറിയുന്നത്.
സംശയാസ്പദമായ സാഹചര്യത്തില്‍ മൃതദേഹം കണ്ടതിനെ തുടര്‍ന്ന് ആര്‍.പി.എഫ് ഉടന്‍ തന്നെ കേസെടുത്തു. അന്വേഷണത്തിന്‍റെ ഭാഗമായി കോച്ചിലുണ്ടായിരുന്ന യാത്രക്കാരുടെ വിവരങ്ങള്‍ ശേഖരിച്ച് പരിശോധന ആരംഭിച്ചിട്ടുണ്ട്.
തുടര്‍ നടപടികള്‍ക്കായി മൃതദേഹം ആലപ്പുഴ ജനറല്‍ ആശുപത്രിയിലേക്ക് മാറ്റി. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം പോസ്റ്റ്‌മോര്‍ട്ടം നടത്തും. കുറ്റവാളികളെ കണ്ടെത്താന്‍ ഊര്‍ജിതമായ അന്വേഷണം തുടരുകയാണെന്ന് ആര്‍.പി.എഫ് അറിയിച്ചു. സി.സി.ടി.വി ദൃശ്യങ്ങളും പരിശോധിക്കുന്നുണ്ട്.
Join Our Whats App group
https://chat.whatsapp.com/HN3zUlGc2Va9613524dFBp
Post A Comment: