കുട്ടികളുണ്ടായില്ല; ഭർത്താവിന്‍റെ ജനനേന്ദ്രിയം മുറിച്ചെടുത്ത് ഭാര്യ

ലക്‌നൗ: കുട്ടികളുണ്ടാകാത്തതിനെ തുടർന്ന് ഭർത്താവിന്‍റെ ലൈംഗികാവയവം മുറിച്ചുമാറ്റി ഭാര്യ. ഉത്തർപ്രദേശിലെ ജഗ്ദീഷ്പുരിലെ ഫസൻഗഞ്ച് കച്ച്നാവ് ഗ്രാമത്തിലാണ് സംഭവം. നസ്നീൻ ബാനോയെന്ന യുവതിയാണ് ഭർത്താവ് അൻസാർ അഹമ്മദിന്‍റെ ലൈംഗികാവയവം മുറിച്ചെടുത്തത്.

ഇയാൾക്ക് രണ്ട് ഭാര്യമാരുണ്ട്. രണ്ട് വിവാഹത്തിലും കുട്ടികളുണ്ടായിരുന്നില്ല. ഇതെ ചൊല്ലി വീട്ടിൽ വഴക്ക് പതിവായിരുന്നു. ഇയാളുടെ രണ്ടാം ഭാര്യയാണ് നസ്നീൻ. സംഭവ ദിവസം പതിവുപോലെ ഈ വിഷയത്തെ ചൊല്ലി ഇവരുടെ വീട്ടിൽ വഴക്കുണ്ടായി. ഇതിനിടെ നസ്നീൻ ഭർത്താവിന്‍റെ ജനനേന്ദ്രിയം മുറിച്ചെടുക്കുകയായിരുന്നു. 

ഗുരുതരമായി പരുക്കേറ്റ അൻസാറിനെ ജഗ്ദീഷ്പൂരിലെ കമ്മ്യൂണിറ്റി ഹെൽത്ത് സെന്‍ററിലും തുടർന്ന് റായ്ബറേലി എയിംസിലും പ്രവേശിപ്പിച്ചു. യുവതിയെ പൊലീസ് കസ്റ്റഡിയിലെടുത്തിട്ടുണ്ട്. 

Join Our Whats App group

https://chat.whatsapp.com/HN3zUlGc2Va9613524dFBp

ലൈംഗികമായി പീഡിപ്പിച്ച മകനെ വെട്ടിക്കൊന്ന് അമ്മ 

ലക്നൗ: മദ്യലഹരിയിൽ തന്നെ ലൈംഗികമായി പീഡിപ്പിച്ച മകനെ വെട്ടിക്കൊന്ന് അമ്മ. ഉത്തർപ്രദേശിലെ ശ്യാമില ഗ്രാമത്തിലാണ് സംഭവം നടന്നത്. 32 കാരനാണ് കൊല്ലപ്പെട്ടത്. ഇയാളുടെ അമ്മയായ 56 കാരിയെ പൊലീസ് അറസ്റ്റ് ചെയ്‌തു.

ലഹരിക്ക് അടിമയായ മകൻ പലതവണ തന്നെ ബലാത്സംഗം ചെയ്തിട്ടുണ്ടെന്ന് അമ്മ പൊലീസിന് മൊഴി നൽകിയിട്ടുണ്ട്. സംഭവ ദിവസവും സമാന രീതിയിൽ മകൻ പീഡിപ്പിക്കാൻ ശ്രമിച്ചു. ഇതോടെ അരിവാൾ കൊണ്ട് മകനെ വെട്ടികൊലപ്പെടുത്തുകയായിരുന്നു. 

മകനെ അജ്ഞാതൻ കൊലപ്പെടുത്തിയെന്നായിരുന്നു അമ്മയുടെ ആദ്യ മൊഴി. പിന്നീട് പൊലീസ് നടത്തിയ ചോദ്യം ചെയ്യലിലാണ് യഥാർഥ വിവരം തുറന്നു പറഞ്ഞത്. ഇവരുടെ ഭർത്താവും മകന്‍റെ കൊലപാതകത്തിൽ പൊലീസിന് പരാതി നൽകിയിരുന്നു. കട്ടിലിൽ കിടക്കുന്ന നിലയിലായിരുന്നു മൃതദേഹം. കൊലപ്പെടുത്താനുപയോഗിച്ച ആയുധവും രക്തം പുരണ്ട വസ്ത്രങ്ങളും പ്രതിയുടെ വീട്ടിൽ നിന്നും കണ്ടെത്തിയിട്ടുണ്ട്.