ആൺ കുഞ്ഞ് പിറന്നില്ല; പെൺകുഞ്ഞിനെ വിഷം കൊടുത്ത് കൊന്ന് പിതാവ്

ഖൊവായ്: പെൺകുഞ്ഞിനെ പിതാവ് വിഷം കൊടുത്ത് കൊലപ്പെടുത്തിയതായി പരാതി. തൃപുരയിലെ സ്റ്റേറ്റ് റൈഫിൾസ് ഉദ്യോഗസ്ഥനായ രതീന്ദ്ര ദേബർമയാണ് മകൾ സുഹാനിയെ കൊലപ്പെടുത്തിയത്.

ഇയാളുടെ ഭാര്യ മിതാലിയാണ് പരാതിയുമായി രംഗത്തെത്തിയത്. ആൺ കുഞ്ഞ് വേണമെന്നായിരുന്നു ഇയാളുടെ ആഗ്രഹം. എന്നാൽ പിറന്നത് പെൺകുഞ്ഞായതോടെയാണ് ഇത്തരമൊരു ക്രൂരത ചെയ്‌തതെന്നാണ് പുറത്തു വരുന്ന വിവരം. 

കഴിഞ്ഞ ദിവസം രാത്രിയിലാണ് സംഭവം നടന്നത്. ബിസ്കറ്റ് വാങ്ങി നൽകാമെന്ന് വിശ്വസിപ്പിച്ച് കുട്ടിയെ കൊണ്ടുപോയ ശേഷം ഇയാൾ വിഷം നൽകി കൊലപ്പെടുത്തുകയായിരുന്നുവെന്നാണ് പരാതിയിൽ പറയുന്നത്.

Join Our Whats App group

https://chat.whatsapp.com/HN3zUlGc2Va9613524dFBp

ലൈംഗികമായി പീഡിപ്പിച്ച മകനെ വെട്ടിക്കൊന്ന് അമ്മ 

ലക്നൗ: മദ്യലഹരിയിൽ തന്നെ ലൈംഗികമായി പീഡിപ്പിച്ച മകനെ വെട്ടിക്കൊന്ന് അമ്മ. ഉത്തർപ്രദേശിലെ ശ്യാമില ഗ്രാമത്തിലാണ് സംഭവം നടന്നത്. 32 കാരനാണ് കൊല്ലപ്പെട്ടത്. ഇയാളുടെ അമ്മയായ 56 കാരിയെ പൊലീസ് അറസ്റ്റ് ചെയ്‌തു.

ലഹരിക്ക് അടിമയായ മകൻ പലതവണ തന്നെ ബലാത്സംഗം ചെയ്തിട്ടുണ്ടെന്ന് അമ്മ പൊലീസിന് മൊഴി നൽകിയിട്ടുണ്ട്. സംഭവ ദിവസവും സമാന രീതിയിൽ മകൻ പീഡിപ്പിക്കാൻ ശ്രമിച്ചു. ഇതോടെ അരിവാൾ കൊണ്ട് മകനെ വെട്ടികൊലപ്പെടുത്തുകയായിരുന്നു. 

മകനെ അജ്ഞാതൻ കൊലപ്പെടുത്തിയെന്നായിരുന്നു അമ്മയുടെ ആദ്യ മൊഴി. പിന്നീട് പൊലീസ് നടത്തിയ ചോദ്യം ചെയ്യലിലാണ് യഥാർഥ വിവരം തുറന്നു പറഞ്ഞത്. ഇവരുടെ ഭർത്താവും മകന്‍റെ കൊലപാതകത്തിൽ പൊലീസിന് പരാതി നൽകിയിരുന്നു. കട്ടിലിൽ കിടക്കുന്ന നിലയിലായിരുന്നു മൃതദേഹം. കൊലപ്പെടുത്താനുപയോഗിച്ച ആയുധവും രക്തം പുരണ്ട വസ്ത്രങ്ങളും പ്രതിയുടെ വീട്ടിൽ നിന്നും കണ്ടെത്തിയിട്ടുണ്ട്.