കിടപ്പറയിലെ വിരക്തിയാണോ പ്രശ്‌നം; ഈ ഭക്ഷണങ്ങൾ ശീലമാക്കു

പ്രായം കൂടും തോറും ലൈംഗിക ബന്ധത്തോട് താൽപര്യ കുറവ് തോന്നുന്നത് സ്വാഭാവികമാണ്. പലരുടെയും കുടുംബ ജീവിതത്തെ ഇത് പ്രതികൂലമായി ബാധിക്കാറുമുണ്ട്.  

ഭക്ഷണം മുതൽ ഉദാസീനമായ ജീവിത ശൈലി വരെ ഇതിനു കാരണമാകാറുമുണ്ട്. ശാരീരിക വ്യായാമത്തിനൊപ്പം ചില ഭക്ഷണങ്ങൾ കഴിക്കുന്നത് ഡയറ്റിൽ ഉൾപ്പെടുത്തിയാൽ ഈ വിരക്തി പമ്പ കടക്കുമെന്ന് ആരോഗ്യ വിദഗ്ദർ ചൂണ്ടിക്കാട്ടുന്നു.

1. ബീറ്റ്‌റൂട്ട് 

പ്രണയ ജീവിതത്തിൽ ബീറ്റ് റൂട്ടിനുള്ള പങ്ക് ചില്ലറയല്ല. ബീറ്റ്‌റൂട്ടിൽ അടങ്ങിയിട്ടുള്ള നൈട്രേറ്റുകൾ ശരീരത്തിലെ നൈട്രിക് ഓക്സൈഡായി മാറും. ഇത് രക്ത ചംക്രമണം മെച്ചപ്പെടുത്താൻ സഹായിക്കുകയും ലൈംഗികാസക്തി ഉത്തേജിപ്പിക്കുകയും ചെയ്യും. 

2. തണ്ണിമത്തൻ

വേനൽക്കാലത്ത് ഏറ്റവും അനുയോജ്യമായ പഴങ്ങളിൽ ഒന്നാണ് തണ്ണിമത്തൻ. നൈട്രിക് ഓക്സൈഡ്, ശരീരത്തെ പ്രോട്ടീൻ നിർമിക്കാൻ സഹായിക്കുന്ന അമിനോ ആസിഡായ എൽ-ആർജിനെൻ, എന്നിവ ഉൽപാദിപ്പിക്കുന്ന സംയുക്തം തണ്ണിമത്തനിൽ അടങ്ങിയിട്ടുണ്ട്. 

ഇത് ഹൃദയത്തിന്‍റെയും രക്തക്കുഴലുകളുടെയും ആരോഗ്യം മെച്ചപ്പെടുത്തും. ലൈംഗികാസക്തിയിലേക്ക് നയിക്കാൻ ഇത് നല്ലതാണ്.

3. ചോക്ലേറ്റ്

ചോക്ലേറ്റ് ഇഷ്ടമല്ലാത്തവർ തന്നെ കുറവായിരിക്കും. ഒരു ചെറിയ കഷ്‌ണം ഡാർക്ക് ചോക്ലേറ്റ് പോലും സമ്മർദ്ദമകറ്റി വളരെ പെട്ടെന്ന് മൂഡ് മെച്ചപ്പെടുത്താൻ സഹായിക്കുന്നതാണ്. 

ഡാർക്ക് ചോക്ലേറ്റ് തലച്ചോറിലെ സെറോടോണിൻ, ഡോപാമൈൻ എന്നിവയുടെ അളവ് വർധിപ്പിക്കുകയും ലൈംഗികാഭിലാഷം സൃഷ്‌ടിക്കുകയും ചെയ്യും. 

4. നട്‌സ്

എന്നും ഒരു പിടി നട്ട്സ് കഴിക്കണമെന്ന് പല വിദ്ഗ്ധരും നിർദ്ദേശിക്കാറുണ്ട്. പിസ്‌ത, കപ്പലണ്ടി, വാൾനട്ട് എന്നിവയിൽ മഗ്നീഷ്യം, പൊട്ടാസ്യം എന്നിങ്ങനെ ധാരാളം ധാതുക്കൾ അടങ്ങിയിട്ടുണ്ട്. 

ഇത് ശരീരത്തിന് ഊർജ്ജം നൽകും. നട്‌സിൽ അടങ്ങിയിട്ടുള്ള സിങ്ക് ടെസ്റ്റോസ്റ്റിറോൺ അളവ് വർദ്ധിപ്പിക്കാനും സഹായിക്കും. 

5. മാതള നാരങ്ങ

മാതളനാരങ്ങായും ആപ്പിളും രുചിയിൽ മാത്രമല്ല പോഷകമൂല്യത്തിലും മുന്നിലാണ്. ഇത് കഴിക്കുന്നത് ഓക്സിഡേറ്റിവ് സ്‌ട്രെസ് കുറയ്ക്കുമെന്നത് ലൈംഗിക ആരോഗ്യത്തെ മെച്ചപ്പെടുത്തും.