വാട്‌സാപ്പിൽ ആരെങ്കിലും അയച്ച സന്ദേശം വായിക്കുന്നതിനു മുമ്പേ ഡിലീറ്റ് ചെയ്യുന്നത് പതിവാണ്. അയക്കുന്നത് പ്രിയപ്പെട്ടവരാണെങ്കിൽ എന്തായിരിക്കും ഇവർ അയച്ചതെന്ന് അറിയാൻ ആകാംക്ഷ വർധിക്കാറുണ്ട്.
ഇത്തരത്തിൽ ഡിലീറ്റാക്കിയ മെസേജ് എന്താണെന്നറിയാൻ നമ്മുടെ ഫോണിൽ തന്നെ ചില പൊടിക്കൈകളുണ്ട്. അവ എന്താണെന്ന് നോക്കാം.
ഡേറ്റ പതിവായി ബാക്ക് അപ്പ് ചെയ്യുകയോ മുൻപത്തെ ബാക്ക് അപ്പിൽ നിന്ന് മെസേജുകൾ വീണ്ടെടുക്കുകയോ ചെയ്താൽ ഡിലീറ്റ് ചെയ്ത മെസേജുകൾ വായിക്കാൻ സാധിക്കും. ഇതിനായി വാട്‌സ്ആപ്പ് സെറ്റിങ്സിൽ കയറി ചാറ്റ്‌സ് തെരഞ്ഞെടുക്കണം. ചാറ്റിൽ ചാറ്റ്‌സ് ബാക്ക് അപ്പ് എടുത്ത് അതിലെ മുൻപത്തെ ബാക്ക് അപ്പ് പരിശോധിച്ചാൽ ഡിലീറ്റ് ആയ മെസേജുകൾ കാണാൻ സാധിക്കും.
ആപ്പ് ഡിലീറ്റ് ചെയ്യേണ്ടതായി വരുന്നതും പുതുതായി ലോഗിൻ ചെയ്യേണ്ടതായി വരുന്നതും ഈ രീതി ബുദ്ധിമുട്ടേറിയതാക്കുന്നു. അതിനാൽ എപ്പോഴും ഇത് ചെയ്യുക പ്രായോഗികമല്ല. അതേസമയം ആൻഡ്രോയിഡ് 11 ഫോണുകളിൽ നോട്ടിഫിക്കേഷൻ ഹിസ്റ്ററി ഉപയോഗിച്ച് ഡിലീറ്റ് ചെയ്ത സന്ദേശങ്ങൾ വായിക്കാൻ സാധിക്കും.
സെറ്റിങ്സിൽ പോയി ആപ്പ് ആൻഡ് നോട്ടിഫിക്കേഷൻ ടാപ്പ് ചെയ്യുക. നോട്ടിഫിക്കേഷൻ തെരഞ്ഞെടുത്ത് മുന്നോട്ടുപോകുക. നോട്ടിഫിക്കേഷൻ ഹിസ്റ്ററി ടാപ്പ് ചെയ്‌ത് കഴിഞ്ഞാൽ നോട്ടിഫിക്കേഷൻ ഹിസ്റ്ററി ഓൺ ആക്കി വെയ്ക്കാൻ സംവിധാനമുണ്ട്.
ഒരിക്കൽ നോട്ടിഫിക്കേഷൻ ഹിസ്റ്ററി ഓൺ ആണെങ്കിൽ മെസേജുകൾ ഡിലീറ്റ് ചെയ്താലും മെസേജിന്‍റെ നോട്ടിഫിക്കേഷൻ കാണാൻ സാധിക്കും. ഇതിന് പുറമേ ഓൺലൈനിൽ ലഭ്യമായ തേർഡ് പാർട്ടി ഡേറ്റ റിക്കവറി ആപ്പുകൾ വഴിയും ഡിലീറ്റ് ചെയ്ത സന്ദേശങ്ങൾ വായിക്കാൻ സാധിക്കും. എന്നാൽ ഇത്തരം ആപ്പുകൾ തെരഞ്ഞെടുക്കുമ്പോൾ ഏറെ ശ്രദ്ധിക്കണം. ചിലത് ഡേറ്റ ചോർത്തിയെന്ന് വരാം. സൈബർ ആക്രമണത്തിന് ഇത് കാരണമായെന്ന് വരാമെന്നും വിദഗ്ധർ മുന്നറിയിപ്പ് നൽകുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IeYcvZizDl2Bmro5SsP1DB
ഐസ്ക്രീം കഴിച്ച 12 കാരന്‍റെ മരണം കൊലപാതകമെന്ന് സംശയം
കോഴിക്കോട്: ഐസ്ക്രീം കഴിച്ചതിനു പിന്നാലെ 12 വയസുകാരൻ മരിച്ച സംഭവം കൊലപാതകമെന്ന് പൊലീസ്. സംഭവത്തിൽ കുട്ടിയുടെ മാതൃ സഹോദരിയെ പൊലീസ് കസ്റ്റഡിയിലെടുത്തു. ഇവരെ ചോദ്യം ചെയ്‌ത് വരികയാണ്. സംഭവത്തിൽ കൂടുതൽ വിവരങ്ങൾ പുറത്ത് വരാനുണ്ട്.
കുട്ടിയുടെ അമ്മയെ ലക്ഷ്യമിട്ട് ഐസ്ക്രീമിൽ വിഷം കലർത്തുകയായിരുന്നുവെന്നാണ് പൊലീസ് സംശയിക്കുന്നത്. അരിക്കുളം കോറോത്ത് മുഹമ്മദലിയുടെ മകൻ അഹമ്മദ് ഹസൻ റിഫായിയാണ് കഴിഞ്ഞ ഞായറാഴ്ച മരിച്ചത്. ഐസ്ക്രീം കഴിച്ചതിന് പിന്നാലെ ഛർദിയെ തുടർന്ന് ചികിത്സയിലിരിക്കുമ്പോളായിരുന്നു മരണം. കുട്ടിയുടെ പിതൃ സഹോദരി താഹിറയാണ് കസ്റ്റഡിയിലായത്.
ഐസ്ക്രീം കഴിച്ച് അസ്വസ്ഥത അനുഭവപ്പെട്ടതിനെ തുടർന്ന് കുട്ടിയ തൊട്ടടുത്ത പ്രാഥമിക ആരോഗ്യ കേന്ദ്രത്തിലും പിന്നീട് കൊയിലാണ്ടി താലൂക്ക് ആശുപത്രിയിലും പ്രവേശിപ്പിച്ചു. പിന്നീട് ഛർദ്ദി അതീവ ഗുരുതരാവസ്ഥയിലേക്ക് പോയതിനെ തുടർന്നാണ് കോഴിക്കോട് മെഡിക്കൽ കോളെജ് ആശുപത്രിയിൽ പ്രവേശിപ്പിച്ചത്. പിന്നാലെ കുട്ടി മരിക്കുകയും ചെയ്തു. കുട്ടി കഴിച്ച ഐസ്ക്രീമിൽ എന്തെങ്കിലും പ്രശ്നമുണ്ടോ എന്നായിരുന്നു ആദ്യം മുതലുള്ള അന്വേഷണം. ഭക്ഷ്യവിഷബാധയെന്ന സംശയവും ഉണ്ടായിരുന്നു. തുടർന്ന് ഐസ്ക്രീം വിറ്റ കട ഉടനെ അടപ്പിച്ചു.
പോസ്റ്റ്മോർട്ടം റിപ്പോർട്ടിലാണ് നിർണായക കണ്ടെത്തലുകൾ ഉണ്ടായത്. ഐസ്ക്രീമിൽ വിഷം കലർന്നതായി കണ്ടെത്തി. തുടർന്ന് കുട്ടിയുടെ പിതാവിന്‍റെ സഹോദരി താഹിറയെ പൊലീസ് കസ്റ്റഡിയിലെടുത്തു. ഐസ്ക്രീമിൽ മനപൂർവ്വം വിഷം കലർത്തി എന്ന വിവരമാണ് ലഭിക്കുന്നത്. എന്നാൽ അത് കുട്ടിയെ ലക്ഷ്യമിട്ടല്ല, കുട്ടിയുടെ അമ്മയെ ലക്ഷ്യമിട്ടാണ് എന്ന മൊഴിയാണ് പൊലീസിന് ലഭിച്ചിട്ടുള്ളത്. ഇതുമായി ബന്ധപ്പെട്ട ശാസ്ത്രീയ പരിശോധന ഫലം ഇനി വരാനുണ്ട്. താഹിറ പൊലീസ് കസ്റ്റഡിയിലാണ്.
Post A Comment: