തിരുവനന്തപുരം: ശമ്പളവും അവധിയും ചോദിച്ച സെയിൽസ് ഗേളിനെ പൂട്ടിയിട്ട് മർദിച്ചു. നെയ്യാറ്റിൻകര ഇരുമ്പിലിലാണ് സംഭവം നടന്നത്. പരാതിയിൽ ഇന്ന് പൊലീസ് യുവതിയുടെ മൊഴിയെടുക്കും.
വീട്ടുപകരണങ്ങള് വില്ക്കുന്ന സ്ഥാപനത്തിലെ ജീവനക്കാരിയ്ക്കാണ് മര്ദ്ദനമേറ്റത്. വീടുകള് തോറും കയറിയിറങ്ങി വീട്ടുപകരണങ്ങള് വില്ക്കുന്ന ജോലിയിലാണ് വയനാട് സ്വദേശിനിയായ യുവതി ഏര്പ്പെട്ടിരുന്നത്.
അത്യാവശ്യത്തിന് വീട്ടില് പോകാന് അവധി വേണമെന്നാണ് യുവതി ആവശ്യപ്പെട്ടത്. അവധി നല്കിയില്ലെങ്കില് പിരിഞ്ഞുപോകാന് തയ്യാറാണെന്നും യുവതി പറഞ്ഞു. ഇതില് പ്രകോപിതരായ സ്ഥാപന ഉടമകള് യുവതിയുടെ മുഖത്തടിക്കുന്ന ദൃശ്യങ്ങള് പുറത്തുവന്നിട്ടുണ്ട്.
യുവതിയെ അസഭ്യം പറയുന്നതും യുവതിയുടെ അരികില് മറ്റൊരു സ്ത്രീ ഇരിക്കുന്നതും ദൃശ്യങ്ങളില് വ്യക്തമാണ്. മര്ദ്ദനമേറ്റ യുവതി സ്ഥാപന ഉടമകള്ക്കെതിരെ നെയ്യാറ്റിന്കര പൊലീസില് പരാതി നല്കി. മൊഴിയെടുക്കാന് ഇന്ന് രാവിലെ സ്റ്റേഷനില് എത്താന് യുവതിയോട് നെയ്യാറ്റിന്കര പൊലീസ് ആവശ്യപ്പെട്ടിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IjXOK79vV0mB3M4eg0HiVJ
Post A Comment: