ഇടുക്കി: ഓട്ടോറിക്ഷ പാർക്ക് ചെയ്യുന്നതുമായി ബന്ധപ്പെട്ട തർക്കത്തിൽ മൂന്നാറിൽ യുവാവിന് കുത്തേറ്റു. പെരിയവര ഓട്ടോ സ്റ്റാൻഡിലാണ് സംഭവം. ഇവിടെ വർക്ഷോപ്പ് നടത്തുന്ന അയ്യാദുരൈയുടെ മകൻ രാമറിനാണ് കുത്തേറ്റത്.
ഇയാളുടെ വലതു കൈയിലും വയറിനും കുത്തേറ്റിട്ടുണ്ട്. അത്യാസന്ന നിലയിലായ രാമറിനെ മൂന്നാർ ജനറൽ ആശുപത്രിയിലും പിന്നീട് അടിമാലി താലൂക്ക് ആശുപത്രിയിലും പ്രവേശിപ്പിച്ചു.
രാമറിനെ കുത്തിയ മദൻ കുമാർ, കാർത്തിക്, മുനിയാണ്ടി രാജ് എന്നിവർ ഒളിവിലാണ്. മൂന്നാർ പൊലീസ് കേസെടുത്തു അന്വേഷണം തുടങ്ങി. ഇന്നലെ രാമറിന്റെ പിതാവ് അയ്യാദുരെ ഇവരുടെ ഓട്ടോറിക്ഷയ്ക്ക് മുന്നിൽ വാഹനം പാർക്ക് ചെയ്തപ്പോൾ പ്രതികൾ മർദ്ദിച്ചിരുന്നു. ഇത് ചോദ്യം ചെയ്യാൻ ഇന്ന് വൈകിട്ട് രാമർ എത്തിയപ്പോഴാണ് കുത്തേറ്റത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L67XbjS4vdxJpqM0Dz7ehJ
Post A Comment: