പീരുമേട് പള്ളിക്കുന്നിൽ ഗ്യാസ് സിലിണ്ടർ ചോർന്ന് ഹോട്ടൽ കത്തി നശിച്ചു

ഇടുക്കി: പീരുമേട് പള്ളിക്കുന്നിൽ പാചക വാതക സിലിണ്ടറിൽ നിന്നും തീ പടർന്ന് ഹോട്ടൽ കത്തി നശിച്ചു. പള്ളിക്കുന്ന് ജംക്ഷനിൽ പ്രവർത്തിക്കുന്ന ജോജി ഹോട്ടലിലാണ് തിങ്കളാഴ്ച്ച പുലർച്ചെ ഏഴിന് തീ പിടുത്തമുണ്ടായത്. 

ഹോട്ടലിൽ പുതിയ സിലിണ്ടർ തുറന്നപ്പോൾ തീ പടർന്നു പിടിക്കുകയായിരുന്നുവെന്നാണ് പ്രാഥമിക നിഗമനം. തീ ഹോട്ടലിനുള്ളിലേക്ക് പടർന്നതോടെ ഉപകരണങ്ങൾ അടക്കം അഗ്നിക്കിരയായി. ടിവി, ഫ്രിഡ്ജ് അടക്കമുള്ള ഉപകരണങ്ങളും കത്തിയമർന്നു. ഹോട്ടലിനുള്ളിലെ ഫർണിച്ചറുകളും കത്തിക്കരിഞ്ഞ നിലയിലാണ്. 

ഹോട്ടലിന്‍റെ രണ്ടാം നിലയിലേക്കും സമീപത്തെ കടകളിലേക്കും തീ പടരാതിരുന്നത് വൻ ദുരന്തമാണ് ഒഴിവാക്കിയത്. സമീപത്ത് നിരവധി വീടുകളും കടകളുമുണ്ട്. നാട്ടുകാരും ഫയർഫോഴ്‌സും ചേർന്നാണ് തീ അണച്ചത്. ചരിത്ര പ്രസിദ്ധമായ ബ്രിട്ടീഷ് പള്ളിക്ക് സമീപമാണ് തീ പിടുത്തം. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/IjXOK79vV0mB3M4eg0HiVJ