ഓടിക്കൊണ്ടിരുന്ന കാറിന് തീ പിടിച്ചു; ഗൃഹനാഥന് ഗുരുതര പരുക്ക്

കോട്ടയം: ഓടിക്കൊണ്ടിരുന്ന കാറിന് തീ പിടിച്ച് ഗൃഹനാഥന് ഗുരുതര പരിക്ക്. വാകത്താനം പാണ്ടഞ്ചിറയിലാണ് അപകടമുണ്ടായത്. മുണ്ടക്കയം ചോറ്റി സ്വദേശി വാകത്താനം പാണ്ടന്‍ ചിറ ഓട്ടക്കുന്ന് വീട്ടില്‍ സാബുവിന്‍റേതാണ് വാഹനം. അപകടത്തില്‍ സാബു (57) വിന് ഗുരുതരമായി പരുക്കേറ്റു.

യാത്ര കഴിഞ്ഞ് വീട്ടിലേക്ക് എത്തുന്നതിനിടെയാണ് അപകടം. വീടിന് 20 മീറ്റര്‍ അകലെ വച്ചാണു സംഭവം. ചങ്ങനാശേരിയില്‍ നിന്ന് അഗ്‌നിരക്ഷാ സേന എത്തി തീയണച്ചാണു ഉടമയെ പുറത്തെടുത്തത്.

സാബു കാറില്‍ തനിച്ചായിരുന്നു. അതീവ ഗുരുതരാവസ്ഥയിലാണ് സാബു. കാറിന് തീപിടിക്കാനുണ്ടായ കാരണം വ്യക്തമല്ല.

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/DnZkuEEgZHP5lo60i9Xm4L