ചെന്നൈ: പുതിയ ചിത്രമായ ഇവാന്റെ റിലീസിനോടനുബന്ധിച്ച് ഇൻസ്റ്റഗ്രാമിൽ മാസ് എൻട്രി നടത്തി ലേഡീ സൂപ്പർ സ്റ്റാർ നയൻ താര. തന്റെ ഇരട്ടക്കുട്ടികളൊടൊപ്പമുള്ള വീഡിയോ പോസ്റ്റ് ചെയ്തുകൊണ്ടാണ് താരം ഇൻസ്റ്റഗ്രാമിലേക്ക് എത്തുന്നത്.
കുട്ടികളുടെ വീഡിയോയ്ക്ക് പിന്നാലെ ജവാന്റെ ട്രെയിലറും പുറത്ത് വിട്ടു. മണിക്കൂറുകൾക്കുള്ളിൽ അഞ്ച് ലക്ഷത്തിലേറെ പേരാണ് നയന്സിനെ പിന്തുടരുന്നത്. ആദ്യമായാണ് നയന്താര കുഞ്ഞുങ്ങളുടെ മുഖം പ്രേക്ഷകർക്കു പരിചയപ്പെടുത്തുന്നതും. മലയാള താരങ്ങൾ ഉൾപ്പെടെ നയൻതാരയുടെ ഫോളവേഴ്സ് ലിസ്റ്റിലുണ്ട്.
നയൻസ് ഫോളോ ചെയ്യുന്നതാകട്ടെ അഞ്ചു പേരെയും. ഭർത്താവ് വിഗ്നേഷ് ശിവൻ, നടൻ ഷാരൂഖ് ഖാൻ, റൗഡി പിക്ചേഴ്സ്, അനിരുദ്ധ് രവിചന്ദർ, മിഷേൽ ഒബാമ എന്നിവരെയാണ് നയൻതാര ഫോളോ ചെയ്യുന്നത്.
ആദ്യ പോസ്റ്റ് ഒരു റീല് രൂപത്തിലാണ് നയൻസ് പോസ്റ്റ് ചെയ്തത്. 'നാൻ വന്തിട്ടെൻ എന്ന് സൊല്ല്' എന്നാണ് വിഡിയോയ്ക്ക് നയൻസ് നൽകിയിരിക്കുന്ന അടിക്കുറിപ്പ്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/EHHrJBoyVtLCzZWup9UaY6
വീണ്ടും മഴ; വിവിധ ജില്ലകളിൽ യെല്ലോ അലർട്ട്
തിരുവനന്തപുരം: സംസ്ഥാനത്ത് വീണ്ടും മഴ സാഹചര്യം മാറുന്നു. ഇതോടെ വിവിധ ജില്ലകളിൽ യെല്ലോ അലർട്ട് പ്രഖ്യാപിച്ച് കേന്ദ്ര കാലാവസ്ഥാ വകുപ്പ്.
ഇന്ന് (31.08.2023), പത്തനംതിട്ട, എറണാകുളം, ഇടുക്കി ജില്ലകളിലും, നാളെ (01.09.2023) ആലപ്പുഴ, ഇടുക്കി എന്നീ ജില്ലകളിലുമാണ് മഞ്ഞ അലർട്ട് പ്രഖ്യാപിച്ചിട്ടുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർഥമാക്കുന്നത്. അതേസമയം രണ്ട്, മൂന്ന്, നാല് തിയതികളിൽ ഒരു ജില്ലയിലും മുന്നറിയിപ്പുകളില്ലെന്നും അറിയിപ്പ് പറയുന്നു.
Post A Comment: