കട്ടപ്പനയിൽ വീട് കുത്തിത്തുറന്ന് കുരുമുളക് മോഷണം; ഒരാൾ പിടിയിൽ

കട്ടപ്പന: വിദേശത്തുള്ള അയൽവാസിയുടെ വീട് കുത്തിത്തുറന്ന് 80 കിലോ കുരുമുളക് മോഷ്ടിച്ച കേസിൽ യുവാവ് അറസ്റ്റിൽ. ബാലഗ്രാം, തേർഡ് ക്യാമ്പ്, ബ്ലോക്ക് നമ്പർ-1099,

പനച്ചിക്കൽ പി.എം. അജ്മൽ ഹുസൈനെ (30)യാണ് കട്ടപ്പന പൊലീസ് പിടികൂടിയത്. അയൽവാസി  തേർഡ്ക്യാമ്പ്, മേലേതിൽ പ്രഭാകരന്‍റെ വീടിന്‍റെ പിന്നിലെ കതക് കുത്തിപൊളിച്ചു കഴിഞ്ഞ മെയ് 27 ന്  രാത്രിയിലാണ് കുരുമുളക് മോഷ്ടിച്ചത്. 

വീട്ടുകാർ വിദേശത്തായിരുന്നതിനാൽ  മോഷണ വിവരം അറിയാൻ വൈകി. വീട്ടുകാർ മടങ്ങി എത്തിയപ്പോഴാണ്  കതക് തകർത്ത്  കൂരുമുളക് മോഷ്ടിച്ച വിവരം അറിയുന്നത്. തുടർന്ന് കമ്പംമെട്ട് പൊലീസിൽ പരാതി നൽകി. 

പൊലീസ് നടത്തിയ അന്വേഷണത്തിലാണ് പ്രതിയെ കണ്ടെത്തിയത്. ഇയാൾ തൂക്കുപാലത്തെ ഒരു മലഞ്ചരക്ക് കടയിൽ വിറ്റ 37 കിലോ കുരുമുളകും കണ്ടെടുത്തു. മോഷണത്തിന് ശേഷം ആറന്മുളയിലുള്ള ഭാര്യ വീട്ടിൽ ഇയാൾ ഒളിവിൽ കഴിയുകയായിരുന്നു. 

കട്ടപ്പന ഡി.വൈ.എസ്.പിയുടെ നിർദേശനുസരണം കമ്പംമെട്ട് പൊലീസ് ആറന്മുളയിലെത്തിയാണ് പ്രതിയെ അറസ്റ്റ് ചെയ്തത്. ഇയാളെ നെടുങ്കണ്ടം കോടതിയിൽ ഹാജരാക്കി റിമാൻഡ് ചെയ്തു. കട്ടപ്പന ഡി.വൈ.എസ്.പി. വി.എ. നിഷാദ് മോന്‍റെ നേതൃത്വത്തിൽ, കമ്പംമേട്ട് സി.ഐ. രതീഷ് ഗോപാൽ, എസ്.ഐമാരായ റ്റി. ബിജു, പി.വി. മഹേഷ്, എസ്.സി.പി.ഒ. സൈദ് മുഹമ്മദ്, റിയാസ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.

Join Our Whats App group

https://chat.whatsapp.com/IeYcvZizDl2Bmro5SsP1DB