ആലപ്പുഴ: വഴിനീളെ കാത്തുനിന്ന ആയിരങ്ങളുടെ ഹൃദയാഭിവാദ്യങ്ങൾ ഏറ്റുവാങ്ങി മുൻ മുഖ്യമന്ത്രി വി.എസ് അച്ചുതാനന്ദന്റെ ഭൗതിക ശരീരം പുന്നപ്ര പറവൂരിലെ വേലിക്കകത്ത് വീട്ടിലെത്തി. പതിനായിരങ്ങളാണ് വേലിക്കകത്ത് വീട്ടിലും പരിസരത്തും അന്ത്യോപചാരം അർപ്പിക്കാൻ കാത്തു നിന്നത്.
വീട്ടില് വിഎസിന്റെ പത്നി വസുമതി, മകള് ആശ, വി.എസിന്റെ സഹോദരി ആഴിക്കുട്ടി തുടങ്ങിയ കുടുംബാംഗങ്ങളുണ്ടായിരുന്നു. തുടര്ന്ന് ആലപ്പുഴ സിപിഎം ജില്ലാ കമ്മിറ്റി ഓഫീസില് പൊതു ദര്ശനത്തിന് വെക്കും. ഡി സി ഓഫീസിലെ പൊതുദര്ശനം ഒരു മണിക്കൂറില് നിന്നും അര മണിക്കൂറായി വെട്ടിച്ചുരുക്കിയിട്ടുണ്ട്.
തുടര്ന്ന് ആലപ്പുഴ പൊലീസ് റിക്രിയേഷന് ഗ്രൗണ്ടിലും പൊതുദര്ശനമുണ്ടാകും. തുടര്ന്ന് വൈകീട്ട് പോരാളികളുടെ മണ്ണായ ആലപ്പുഴ വലിയചുടുകാട്ടിലാണ് വിഎസിന്റെ സംസ്കാരം നടക്കുക. അനന്തപുരിയില് നിന്നും വിപ്ലവമണ്ണായ പുന്നപ്രയിലേക്ക് ഇന്നലെ ഉച്ചയ്ക്ക് 2.25 ഓടെയാണ് വിഎസിന്റെ വിലാപയാത്ര ആരംഭിച്ചത്.
മൂന്നു ജില്ലകളിലായി, 151 കിലോമീറ്റര് ദൂരം നീളുന്ന വിലാപയാത്ര 22 മണിക്കൂര് പിന്നിട്ട്, ഇന്നുച്ചയ്ക്ക് 12.22 നാണ് വിഎസിന്റെ ഭൗതികദേഹം പുന്നപ്രയിലെ ജന്മനാട്ടിലേക്കെത്തിയത്.
Join Our Whats App group
Post A Comment: