പാലക്കാട്: അമ്മയുടെ കൈവിട്ട് ഓടിയ രണ്ടാം ക്ലാസുകാരൻ സ്കൂൾ ബസ് ഇടിച്ചു മരിച്ചു. പട്ടാമ്പി പുലശേരിക്കര സ്വദേശി കാമികം കൃഷ്ണകുമാറിന്‍റെ മകന്‍ ആരവ് (ആറ്) ആണ് മരിച്ചത്. വാടാനംകുറുശി സ്‌കൂളിലെ വിദ്യാർഥിയാണ്.
ഇന്നലെ വൈകിട്ടായിരുന്നു അപകടം. സ്കൂൾ ബസിൽ വീടിനു മുന്നിൽ ഇറങ്ങിയ കുട്ടി അമ്മയുടെ കൈവെട്ടിച്ച് ഓടുകയും ഈ സമയം റോഡിലൂടെ വന്ന മറ്റൊരു സ്‌കൂളിന്‍റെ വാഹനം കുട്ടിയെ ഇടിക്കുകയുമായിരുന്നു.
പരുക്കേറ്റ ആരവിനെ ഉടന്‍ തന്നെ പട്ടാമ്പിയിലെ സ്വകാര്യ ആശുപത്രിയിലും തുടര്‍ന്ന് പെരിന്തല്‍മണ്ണയിലെ സ്വകാര്യ ആശുപത്രിയിലും പ്രവേശിപ്പിച്ചുവെങ്കിലും ഇന്ന് രാവിലെ മരണം സംഭവിക്കുകയായിരുന്നു. ശ്രീദേവിയാണ് അമ്മ. ഇവരുടെ ഏക മകനാണ്.
Join Our Whats App group
https://chat.whatsapp.com/IeYcvZizDl2Bmro5SsP1DB
Post A Comment: