വണ്ടിപ്പെരിയാറ്റിൽ അടച്ചിട്ട വീട്ടിൽ തീ പിടുത്തം; ദുരന്തം വഴിമാറിയത് തലനാരിഴയ്ക്ക്

ഇടുക്കി: താമസക്കാരി പുറത്തിറങ്ങിയതിന് പിന്നാലെ അടച്ചിട്ട വീടിനുള്ളിൽ തീ പിടുത്തം. വണ്ടിപ്പെരിയാർ 62-ാം മൈലിൽ ജവഹർ നഗറിലാണ് വീടിനുള്ളിൽ തീ പിടുത്തമുണ്ടായത്. അയൽവാസികൾ അവസരോചിതമായി ഇടപെട്ട് തീ അണച്ചതിനാൽ വൻ ദുരന്തം ഒഴിവായി. രാമർ എന്നയാളുടെ ഉടമസ്ഥതയിലുള്ളതാണ് വീട്. 

വണ്ടിപ്പെരിയാറ്റിലെ ബാങ്ക് ജീവനക്കാരിയാണ് ഇവിടെ വാടകയ്ക്ക് താമസിച്ചു വന്നിരുന്നത്. ഇവർ രാവിലെ ജോലിക്ക് പോയതിന് പിന്നാലെ വീടിനുള്ളിൽ നിന്നും പുക ഉയരുന്നത് സമീപവാസികൾ കാണുകയായിരുന്നു. 

ഉടൻ തന്നെ അയൽവാസികൾ വീടിനുള്ളിൽ കടന്ന് തീ കെടുത്തി. കണക്ഷൻ ഊരിമാറ്റാതെ മെത്തയിൽവച്ച തേപ്പു പെട്ടി ചൂടായി തീ പിടിക്കുകയായിരുന്നുവെന്നാണ് കരുതുന്നത്. രാവിലെ ഈ പ്രദേശത്ത് കരണ്ടില്ലായിരുന്നു. സംഭവത്തിൽ അന്വേഷണം ആരംഭിച്ചിട്ടുണ്ട്. പീരുമേട് ഫയർ ഫോഴ്‌സ് സംഘം സ്ഥലത്തെത്തിയിരുന്നു. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/HN3zUlGc2Va9613524dFBp