ബംഗളൂരു: കാമുകിയുടെയും സഹപ്രവർത്തകരുടേയും അടക്കം നിരവധി പേരുടെ 13000 ത്തിലധികം നഗ്ന ചിത്രങ്ങൾ മൊബൈൽ ഫോണിൽ സൂക്ഷിച്ച യുവാവ് അറസ്റ്റിൽ. ബംഗളൂരുവിലെ സ്വകാര്യ സ്ഥാപനത്തിൽ ജോലി ചെയ്യുന്ന 25 കാരനാണ് അറസ്റ്റിലായത്. സ്ഥാപനത്തിലെ അഭിഭാഷകന്റെ പരാതിയുടെ അടിസ്ഥാനത്തിലാണ് ഇയാളെ അറസ്റ്റ് ചെയ്തതെന്ന് ബംഗളൂരു പൊലീസ് പറഞ്ഞു.
കഴിഞ്ഞ നാലുമാസമായി ഇയാള് തന്റെ സഹപ്രവര്ത്തകയുമായി പ്രണയത്തിലായിരുന്നുവെന്ന് പൊലീസ് പറഞ്ഞു. യുവതിയുമായുളള സ്വകാര്യ നിമിഷങ്ങള് ഇയാള് ഫോണില് സൂക്ഷിച്ചിരുന്നു. അടുത്തിടെ ഈ ദൃശ്യങ്ങള് ഡിലീറ്റ് ചെയ്യാന് യുവതി ആവശ്യപ്പെട്ടെങ്കിലും ഇയാള് തയ്യാറായില്ല.
തുടര്ന്ന് യുവതി അയാള് അറിയാതെ ഫോണില് നിന്ന് ദൃശ്യങ്ങള് ഡിലീറ്റ് ചെയ്യാന് ശ്രമിക്കുന്നതിനിടെയാണ് ഗാലറിയില് സൂക്ഷിച്ച ആയിരക്കണക്കിന് സ്ത്രീകളുടെ നഗ്നചിത്രങ്ങള് ശ്രദ്ധയില്പ്പെട്ടത്. അക്കൂട്ടത്തില് സഹപ്രവര്ത്തരുടെ മോര്ഫ് ചെയ്ത ചിത്രങ്ങളും കണ്ടെത്തി. തുടര്ന്ന് ഓഫീസിലെ ഉന്നത ഉദ്യോഗസ്ഥനെ യുവതി വിവരം അറിയിക്കുകയായിരുന്നു.
സ്വന്തം സന്തോഷത്തിന് വേണ്ടിയാണ് ഇയാള് ചിത്രങ്ങള് മോര്ഫ് ചെയ്തതെന്നാണ് പ്രാഥമിക അന്വേഷണത്തില് വ്യക്തമായതെന്ന് പൊലീസ് പറഞ്ഞു. കഴിഞ്ഞ അഞ്ച് മാസമായി ഇയാള് ഈ ഓഫീസില് ജോലി ചെയ്യുകയായിരുന്നെന്നും ഈ ചിത്രങ്ങള് ഏതെങ്കിലും തരത്തില് പ്രചരിപ്പിച്ചിട്ടുണ്ടോ എന്നത് പരിശോധിച്ച് വരികയാണെന്നും പൊലിസ് അറിയിച്ചു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/KWLtWQAGGzp99r8iD7Hl6T
കുളിമുറിയിൽ ഒളി ക്യാമറ; വിദ്യാർഥിനിയും കാമുകനും അറസ്റ്റിൽ
ന്യൂഡൽഹി: പിജി വിദ്യാർഥികൾ പേയിങ് ഗസ്റ്റുകളായി താമസിക്കുന്ന വീട്ടിലെ കുളിമുറിയിൽ ഒളി ക്യാമറ വച്ച സംഭവത്തിൽ യുവതിയും കാമുകനും അറസ്റ്റിൽ. ദി കേരള സ്റ്റോറിയെന്ന സിനിമയിൽ നിന്നും പ്രചോദനം ഉൾക്കൊണ്ടാണ് ഒപ്പമുള്ളവരുടെ നഗ്ന ദൃശ്യം പകർത്താൻ ശ്രമിച്ചതെന്ന് ഇവർ മൊഴി നൽകി.
ഛണ്ഡീഗഢിലാണ് സംഭവം നടന്നത്. നാല് കുട്ടികളുടെ കുളിമുറി ദൃശ്യമാണ് ഇവർ പകർത്തിയത്. ഇവരുടെ ഫോണുകൾ പൊലീസ് പിടിച്ചെടുത്ത് ഫോറൻസിക് പരിശോധനയ്ക്ക് അയച്ചിട്ടുണ്ട്. ക്യാമറയിലോ അവരുടെ മൊബൈൽ ഫോണുകളിലോ വീഡിയോകളൊന്നും കണ്ടെത്തിയിട്ടില്ലെന്ന് പൊലീസ് പറഞ്ഞു.
ഉത്തർപ്രദേശിലെ സഹാറൻപൂർ സ്വദേശിയായ യുവതി ഐഇഎൽടിഎസ് പരീക്ഷയ്ക്ക് തയ്യാറെടുക്കുന്നതിനായി ഛണ്ഡിഗഡിലെ പിജിയിൽ താമസിച്ചു വരികയായിരുന്നു. കുളിമുറിയിൽ സംശയാസ്പദമായ ഒരു ഉപകരണം കണ്ട സ്ത്രീകളിലൊരാൾ ഉടമയെ അറിയിച്ചതോടെയാണ് സംഭവം പുറത്തറിയുന്നത്.
ഇതേത്തുടർന്ന് പൊലീസിൽ വിവരമറിയിക്കുകയും അന്വേഷണത്തിനായി പിജിയിലെത്തുകയും ചെയ്തു. പരിശോധനയിൽ ഒരു യുവതിയുടെ പൊലീസ് വെരിഫിക്കേഷൻ ഇതുവരെ പൂർത്തിയായിട്ടില്ലെന്ന് പിജി ഉടമ പറഞ്ഞതോടെ പൊലീസിന് സംശയമായി. തുടർന്ന് നടത്തിയ അന്വേഷണത്തിൽ യുവതി കുറ്റം സമ്മതിച്ചു.
യുവതിയുടെ കാമുകനെയും പൊലീസ് അറസ്റ്റ് ചെയ്തു. ദി കേരള സ്റ്റോറി എന്ന സിനിമയിൽ നിന്ന് പ്രചോദനം ഉൾക്കൊണ്ട് സാമ്പത്തിക നേട്ടം ലക്ഷ്യമിട്ടാണ് ഒളിക്യാമറ സ്ഥാപിച്ചതെന്ന് ഇരുവരും പൊലീസിനോട് പറഞ്ഞു. ഇന്ത്യൻ ശിക്ഷാ നിയമത്തിലെ (ഐപിസി) 354 സി, 509, ഐടി ആക്ട് സെക്ഷൻ 66 എന്നീ വകുപ്പുകൾ പ്രകാരമാണ് പൊലീസ് പ്രതികൾക്കെതിരെ കേസെടുത്തിരിക്കുന്നത്.
Post A Comment: