മിനി സ്ക്രീനിലൂടെ പ്രേക്ഷക മനസിൽ ഇടം നേടിയ നടി ഹരിത ജി. നായർ വിവാഹിതയായി. സൂപ്പർ ഹിറ്റ് ചിത്രം ദൃശ്യം 2, 12 മാൻ തുടങ്ങിയ ചിത്രങ്ങളുടെ എഡിറ്ററായിരുന്ന വിനായക് ആണ് വരൻ. കുട്ടിക്കാലം മുതലുള്ള സുഹൃത്തുക്കളായിരുന്നു ഇരുവരും. തങ്ങളുടേത് പ്രണയ വിവാഹമല്ലെന്നും വീട്ടുകാർ ആലോചിച്ചുള്ള വിവാഹമാണെന്നും ഹരിത നേരത്തെ വ്യക്തമാക്കിയിരുന്നു.
കഴിഞ്ഞ വര്ഷം ജൂണ് മാസത്തിലായിരുന്നു ഇരുവരുടെയും വിവാഹനിശ്ചയം. ഏഷ്യാനെറ്റിന്റെ കസ്തൂരിമാന് എന്ന പരമ്പരയിലെ ശ്രീക്കുട്ടി എന്ന കഥാപാത്രത്തെ അവതരിപ്പിച്ചുകൊണ്ടാണ് ഹരിത പ്രേക്ഷകശ്രദ്ധയിലേക്ക് എത്തുന്നത്.
പിന്നീട് തിങ്കള്ക്കലമാന് എന്ന പരമ്പരയിലെ കീര്ത്തി എന്ന കഥാപാത്രവും ശ്രദ്ധ നേടിയിരുന്നു. നഴ്സിങ് പഠനത്തിനിടെ അപ്രതീക്ഷിതമായിട്ടായിരുന്നു റിയാലിറ്റി ഷോയിലേക്കും അവിടെനിന്ന് അഭിനയത്തിലേക്കും ഹരിത എത്തിയത്. ബേസില് ജോസഫിനെ നായകനാക്കി ജീത്തു ജോസഫ് സംവിധാനം ചെയ്യുന്ന നുണക്കുഴിയാണ് വിനായക് എഡിറ്റിങ് നിര്വ്വഹിക്കുന്ന പുതിയ ചിത്രം.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/K1qDeudCPifDXl43GW7kbz
Post A Comment: