മുംബൈ: സൂപ്പർ താര ജോടികളായ വിരാട് കോലി- അനുഷ്ക ദമ്പതികളുടെ പുതിയ വാർത്തയാണ് ഇപ്പോൾ സൈബർ ലോകത്തെ പ്രധാന ചർച്ചാ വിഷയം. അനുഷ്ക വീണ്ടും ഗർഭിണിയാണെന്ന വിവരമാണ് ഇപ്പോൾ പുറത്ത് വരുന്നത്.
കോലിക്കൊപ്പം നടന്നു നീങ്ങുന്ന അനുഷ്കയുടെ വീഡിയോ പുറത്ത് വന്നതോടെയാണ് ഇത്തരം ഒരു സംശയം ബലപ്പെട്ടത്. കറുത്ത ഓവർ സൈഡ്സ് മിനി ഡ്രസ് അണിഞ്ഞാണ് അനുഷ്ക നടന്നു നീങ്ങുന്നത്. വീഡിയോയിൽ താരത്തിന്റെ നിറ വയർ വ്യക്തമാണ്. കൈകൾ കൊണ്ട് താരം വയർ മറക്കാൻ ശ്രമിക്കുന്നതായും വീഡിയോയിൽ കാണാം.
അനുഷ്ക വീണ്ടും ഗർഭിണിയാണെന്ന വാർത്ത പരന്നതോടെ നിരവധി പേർ ആശംസകളുമായി രംഗത്തെത്തുകയും ചെയ്തു. അതേസമയം ഇതിൽ ഔദ്യോഗികമായ സ്ഥിരീകരണമൊന്നും ലഭിച്ചിട്ടില്ല. താര ജോടികളായ വിരാട് കോലിക്കും അനുഷ്കയ്ക്കും ആരാധകർ ഏറെയാണ്.
ഇരുവരുടെയും ഒന്നിച്ചുള്ള ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാകാറുണ്ട്. ലോകകപ്പ് ക്രിക്കറ്റിന്റെ തിരക്കിൽ നിന്നും മാറി കോലി അനുഷ്കയെ കാണാനെത്തിയതും വലിയ വാർത്തയായിരുന്നു.
2021 ജനുവരി 11നാണ് ഇവർക്ക് ആദ്യ കുഞ്ഞ് പിറക്കുന്നത്. വാമിക എന്നായിരുന്നു മകൾക്ക് ദമ്പതികൾ നൽകിയ പേര്. 2017ലായിരുന്നു ഇവരുടെ വിവാഹം.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/K1qDeudCPifDXl43GW7kbz
Post A Comment: