ഇടുക്കി: ശബരിമല തീർഥാടകർ സഞ്ചരിച്ച കാർ ട്രാവലറിൽ ഇടിച്ച് ഒരു തീർഥാടകൻ മരിച്ചു. കുട്ടിക്കാനം ഐഎച്ച്ആർഡി കോളജിന് സമീപം ഇന്ന് രാവിലെ 10 ഓടെയാണ് അപകടം ഉണ്ടായത്. കുമളിയിൽ നിന്നും ആലപ്പുഴയിലേക്ക് വരികയായിരുന്ന വിനോദ സഞ്ചാരികളുടെ ട്രാവലറും അയ്യപ്പ ഭക്തർ സഞ്ചരിച്ച കാറുമാണ് കൂട്ടിയിടിച്ചത്.
ചെന്നൈ താമ്പരം സ്വദേശി വെങ്കിടേഷ് (53) ആണ് മരിച്ചത്. കാര്ഡ്രൈവര് ഉറങ്ങിപ്പോയതാണ് അപകട കാരണമെന്നാണ് കരുതുന്നത്. മരിച്ച വെങ്കിടേഷിന്റെ മക്കളായ കിഷോര് (12), ഭര്ത്തിഷ് (14), കാര് ഡ്രൈവര് ശങ്കര് (23) എന്നിവരെ പരുക്കുകളോടെ പീരുമേട് താലൂക്ക് ആശുപത്രിയില് പ്രവേശിപ്പിച്ചു.
വെങ്കിടേഷിന്റെ മൃതദേഹം പീരുമേട് താലൂക്ക് ആശുപത്രിയില് സൂക്ഷിച്ചിരിക്കുകയാണ്. അപകടം അറിഞ്ഞെത്തിയ നാട്ടുകാരും, പൊലീസും, മോട്ടോര് വാഹന ഉദ്യോഗസ്ഥരുമാണ് രക്ഷാ പ്രവര്ത്തനം നടത്തിയത്.
വാട്സാപ്പ് ചാനലിൽ ഫോളോ ചെയ്യാനായി
https://whatsapp.com/channel/0029VaA6c1sICVfjMC9bXe1y
Post A Comment: