തിരുവനന്തപുരം: യുവ ഡോക്‌ടർ മദ്യലഹരിയിൽ ഓടിച്ച ജീപ്പിടിച്ച് യുവാവ് മരിച്ചു. ആക്കുളം പാലത്തിലുണ്ടായ അപകടത്തിലാണ് ബൈക്ക് യാത്രികനായ ശ്രീറാം (26) മരിച്ചത്.
മറ്റൊരാള്‍ക്ക് ഗുരുതര പരുക്കേറ്റിട്ടുണ്ട്. ഡോക്ടര്‍മാരായ വിഷ്ണു, അതുല്‍ എന്നിവരെ തുമ്പ പൊലീസ് കസ്റ്റഡിയിലെടുത്തു. അമിത വേഗതയില്‍ പോയ പോയ ജീപ്പ് നിയന്ത്രണം തെറ്റി ബൈക്കിലിടിക്കുകയായിരുന്നു.
ശ്രീറാം, ഷാനു (26) എന്നിവരാണ് ബൈക്കിലുണ്ടായിരുന്നത്. ഇവര്‍ രണ്ട് പേരും ഓണ്‍ലൈന്‍ ഭക്ഷണ വിതരണ ജോലി ചെയ്യുന്നവരാണ്. ഇവരെ ഉടന്‍ തന്നെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രാവിലെ 11ഓടെ ശ്രീറാം മരിച്ചു. ഷാനു മെഡിക്കല്‍ കോളജ് ആശുപത്രിയില്‍ ചികിത്സയില്‍ തുടരുകയാണ്.
കാറിലുണ്ടായിരുന്ന യുവ ഡോക്ടര്‍മാര്‍ മദ്യലഹരിയിലായിരുന്നുവെന്നാണ് പൊലീസ് വിശദമാക്കുന്നത്. സ്വകാര്യ ആശുപത്രിയിലെ ഡോക്ടറാണ് വിഷ്ണു. അതുല്‍ മെഡിക്കല്‍ കോളജില്‍ പിജി ചെയ്യുകയാണ്.
മനപൂര്‍വമായ നരഹത്യയ്ക്ക് കേസെടുക്കുമെന്ന് പൊലീസ് അറിയിച്ചു. യുവ ഡോക്ടര്‍മാരുടെ പേരിലല്ല ഇവര്‍ ഓടിച്ചിരുന്ന വാഹനമെന്നാണ് പുറത്ത് വരുന്ന വിവരം.
Join Our Whats App group
https://chat.whatsapp.com/LI5CtDALiuGFq6TUngq6K5
Post A Comment: