തൊടുപുഴ: മൂലമറ്റത്ത് പായയിൽ പൊതിഞ്ഞ നിലയിൽ മൃതദേഹം കണ്ടെത്തിയ സംഭവം കൊലപാതകം. സംഭവത്തിൽ ആറ് പേരെ പൊലീസ് കസ്റ്റഡിയിലെടുത്തു. കോട്ടയം ജില്ലയിലെ മേലുകാവ് സ്വദേശി സാജന് സാമുവലാണ് മരിച്ചത്.
കൊലപാതകത്തില്‍ നേരിട്ട് പങ്കുള്ളവരാണ് പിടിയിലായതെന്നാണ് പൊലീസിൽ നിന്നും ലഭിക്കുന്ന വിവരം. എട്ട് പേരാണ് കൊലയാളി സംഘത്തിലുള്‍പ്പെട്ടത്.
ഓട്ടോറിക്ഷയിലാണ് മൃതദേഹം ഉപേക്ഷിക്കാന്‍ കൊണ്ടുപോയത്. ഓട്ടോ ഡ്രൈവര്‍ നല്‍കിയ വിവരമാണ് കേസില്‍ നിര്‍ണായകമായത്. സംശയം തോന്നിയ ഡ്രൈവര്‍ കാഞ്ഞാര്‍ എസ് ഐക്ക് വിവരം നല്‍കുകയായിരുന്നു.
മൂലമറ്റത്തെ തേക്കന്‍കൂപ്പില്‍ നിന്ന് ദുര്‍ഗന്ധം വമിക്കുന്നത് ശ്രദ്ധയില്‍പ്പെട്ട നാട്ടുകാരാണ് പൊലീസില്‍ ആദ്യം വിവരമറിയിക്കുന്നത്. മേലുകാവില്‍ നിന്ന് കാണാതായ സാജന് വേണ്ടി പൊലീസ് തെരച്ചില്‍ നടത്തുന്നതിനിടെയാണ് വിവരം കിട്ടുന്നത്.
തുടര്‍ന്ന് സ്ഥലത്തെത്തി നടത്തിയ പരിശോധനയിലാണ് പ്ലാസ്റ്റിക് പായില്‍ പൊതിഞ്ഞ നിലയില്‍ മൃതദേഹം കണ്ടെത്തിയത്. മൂന്നുദിവസത്തിലേറെ പഴക്കമുണ്ടായിരുന്നു. ക്രിമിനല്‍ സംഘങ്ങള്‍ തമ്മലുള്ള വൈരാഗ്യത്തിന്‍റെ ഭാഗമാണോ കൊലപാതകമെന്നും പൊലീസ് സംശയിക്കുന്നുണ്ട്.
Join Our Whats App group
Post A Comment: