കുട്ടിക്കാനം വളഞ്ചാങ്കാനത്ത് ബൈക്കും കാറും കൂട്ടിയിടിച്ച് ബൈക്കിന് തീ പിടിച്ചു; ബൈക്ക് യാത്രികന് പരുക്ക്

ഇടുക്കി: കുട്ടിക്കാനം വളഞ്ചാങ്കാനത്ത് കാറും ബൈക്കും കൂട്ടിയിടിച്ച് ബൈക്കിന് തീ പിടിച്ചു. ബൈക്ക് യാത്രികനായ യുവാവിന് പരുക്ക്. പീരുമേട് പാമ്പനാർ കല്ലാർകവല സ്വദേശി ഉറുമ്പിൽ അനൂപിനാണ് പരുക്കേറ്റത്. ചൊവ്വാഴ്ച്ച വൈകിട്ട് അഞ്ചരയോടെയായിരുന്നു അപകടം. 

മുണ്ടക്കയത്തു നിന്നും പാമ്പനാറ്റിലേക്ക് വരികയായിരുന്ന അനൂപിന്‍റെ ബൈക്കും എതിരെ വന്ന കാറുമായി കൂട്ടിയിടിക്കുകയായിരുന്നു. അപകടത്തിൽ ബൈക്കിന് തീ പടർന്നത് പരിഭ്രാന്തി പരത്തി. അനൂപിന്‍റെ കൈകാലുകൾക്ക് പൊള്ളലേറ്റിട്ടുണ്ട്. ഇയാളെ മുണ്ടക്കയത്തെ ആശുപത്രിയിൽ പ്രവേശിപ്പിച്ചു.

പീരുമേട് ഫയർ ഫോഴ്സ് സ്ഥലത്തെത്തിയാണ് തീ അണച്ചത്. പീരുമേട് ഫയര്‍ ഫോഴ്‌സിസെ എസ്.എഫ്.ആര്‍.ഒ മധുസൂദനന്‍, എഫ്.ആര്‍.ഒമാരായ അന്‍ഷാദ്, അഭിജിത്ത്, അരുണ്‍, ബെനറ്റ് എന്നിവരുടെ നേതൃത്വത്തിലാണ് രക്ഷാ പ്രവര്‍ത്തനം നടത്തിയത്. 

Join Our Whats App group

https://chat.whatsapp.com/L2USinQQ81H1Nq4VBIiX94

300 പെൺകുട്ടികളെ പീഡിപ്പിച്ച് ഡോക്‌ടർ 

പാരീസ്: പ്രായപൂർത്തിയാകാത്ത പെൺകുട്ടികളെ ക്രൂരമായി ലൈംഗിക ചൂഷണത്തിനു വിധേയനാക്കി വന്ന മുൻ ശസ്ത്രക്രിയാ വിദഗ്ദനെതിരെ വിചാരണ തുടങ്ങുന്നു. 74 കാരനായ ജോയൽ ലെ സ്കോർനെക്കിനെതിരെയാണ് വിചാരണ തുടങ്ങുന്നത്.

300 ഓളം പേരാണ് പീഡനത്തിനിരയായത്. ഇതിൽ 256 പേരും 15 വയസിനു താഴെയുള്ളവരാണ്. അയൽവീട്ടിലെ ആറ് വയസുകാരിയും മരുമകളും വരെ പീഡനത്തിരയായവരിൽ പെടുന്നു. 

70 വയസുള്ള സ്ത്രീയും പീഡിപ്പിക്കപ്പെട്ടിട്ടുണ്ട്. കാൽ നൂറ്റാണ്ടോളം ഇയാൾ നിരവധി പേരെ ലൈംഗികമായി ഉപദ്രവിച്ചുവെന്നാണ് കേസ്. ഇയാളുടെ ഇരകളില്‍ ഇപ്പോഴും ഭൂരിഭാഗം കുട്ടികളും അബോധാവസ്ഥയില്‍ തുടരുകയാണ്. നാല് മാസം നീളുന്ന വിചാരണയിൽ ഇരകളാക്കപ്പെട്ടവർ തുറന്ന കോടതിയിലും അടഞ്ഞ കോടതിയിലും മൊഴി നൽകും. 

1989 നും 2014 നും ഇടയില്‍ പടിഞ്ഞാറന്‍ ഫ്രാന്‍സില്‍ പന്ത്രണ്ടോളം ആശുപത്രികളില്‍ ജോലി ചെയ്ത് വരവെയാണ് ഇയാള്‍ ലൈംഗികാതിക്രമം നടത്തിയത്.

111 ബലാത്സംഗങ്ങള്‍ക്കും 189 ലൈംഗികാതിക്രമങ്ങള്‍ക്കും ചേര്‍ന്നാണ് ഇയാള്‍ വിചാരണ നേരിടുന്നത്. പ്രതിയുടെ അയല്‍ പക്കത്ത് താമസിച്ചിരുന്ന ആറ് വയസുകാരിയായ പെണ്‍കുട്ടയുമായി ബന്ധപ്പെട്ട് പീഢന പരാതി ലഭിച്ചപ്പോഴാണ് 2017-ല്‍ പ്രതിക്കെതിരെ അധികൃതര്‍ അന്വേഷണം ആരംഭിച്ചത്.  

പ്രാഥമിക അന്വേഷണത്തില്‍, 1990 കളില്‍ അദ്ദേഹത്തിന്‍റെ മരുമക്കള്‍ക്കും, നാല് വയസുള്ള ഒരു പെണ്‍കുട്ടിക്കും നേരെയുള്ള ആക്രമണങ്ങള്‍ കണ്ടെത്തി. 

2020 ഡിസംബറില്‍ ഈ കുറ്റകൃത്യങ്ങള്‍ക്ക് അദ്ദേഹത്തെ  15 വര്‍ഷം തടവിന് വിട്ടു. ജോണ്‍സാക്കിലെ ലെ പ്രതിയുടെ വീട്ടില്‍ നടത്തിയ പരിശോധനയില്‍ പന്ത്രണ്ടോളം സെക്‌സ് ടോയ്‌സും 300,000 അശ്ലീല ചിത്രങ്ങളും കണ്ടെത്തിയിരുന്നു.