ഇടുക്കി: ഈട്ടിത്തോപ്പിൽ കാർ കൊക്കയിലേക്ക് മറിഞ്ഞുണ്ടായ അപകടത്തിൽ വീട്ടമ്മ മരിച്ചു. കാറ്റാടിക്കവല പ്ലാമൂട്ടിൽ മേരി എബ്രഹാം ആണ് മരിച്ചത്. നാല് പേർക്ക് അപകടത്തിൽ പരുക്കേറ്റിട്ടുണ്ട്. ഇതിൽ ഒരാളുടെ നില ഗുരുതരമാണെന്നാണ് വിവരം.
ഇന്നലെ രാത്രി 11.30 ഓടെയായിരുന്നു അപകടം. മേരി എബ്രഹാമും കുടുംബവും ഈട്ടിത്തോപ്പിലെ ഇവരുടെ പഴയ വീട്ടിൽ പോയി മടങ്ങുന്ന വഴിയിൽ അപകടം സംഭവിക്കുകയായിരുന്നു.
മകൻ ഷിന്‍റോ, ഭാര്യ, മക്കൾ എന്നിവരാണ് ഒപ്പമുണ്ടായിരുന്നത്. ഇറക്കത്തിൽ നിയന്ത്രണം വിട്ട കാർ 100 അടി താഴ്ച്ചയിലേക്ക് മറിയുകയായിരുന്നു. മേരി എബ്രഹാം സംഭവ സ്ഥലത്ത് തന്നെ മരിച്ചു. ഷിന്‍റോയുടെ ഒരു മകനാണ് ഗുരുതര പരുക്കേറ്റിരിക്കുന്നത്.
Join Our Whats App group
Post A Comment: