കൊമ്പൻപാറയിൽ കാട്ടാന ആക്രമണത്തിൽ കൊല്ലപ്പെട്ട വീട്ടമ്മയുടെ മൃതദേഹം വീണ്ടെടുക്കാൻ ശ്രമം തുടങ്ങി

ഇടുക്കി: പെരുവന്താനം കൊമ്പൻപാറയിൽ  കാട്ടാനയുടെ ആക്രമണത്തിൽ കൊല്ലപ്പെട്ട വീട്ടമ്മയുടെ മൃതദേഹം വീണ്ടെടുക്കാൻ ശ്രമം തുടങ്ങി. വനംവകുപ്പ് ഉദ്യോഗസ്ഥരും പൊലീസും സ്ഥലത്തെത്തിയെങ്കിലും ആന പരിസരത്ത് തന്നെ നിലയുറപ്പിച്ചത് ഭീതി പരത്തുന്നുണ്ട്. 

ആനയെ പ്രദേശത്തു നിന്നും മാറ്റിയ ശേഷം മൃതദേഹം വീണ്ടെടുക്കാനാണ് നീക്കം നടക്കുന്നത്. ചെന്നാപാറ കൊമ്പന്‍പാറ നെല്ലിവിള പുത്തന്‍വീട്ടില്‍ ഇസ്മയിലിന്‍റെ ഭാര്യ സോഫിയ (45) യാണ് മരിച്ചത്. 

വൈകിട്ട് ആറോടെയാണ് സോഫിയ കുളിക്കാനായി അരുവിയിലേക്ക് പോകുന്നത്. ഏഴായിട്ടും തിരികെ കാണാതായതോടെയാണ് വീട്ടുകാർ അന്വേഷിച്ചെത്തിയത്. അരുവിക്ക് സമീപം കൈകാലുകൾ ഒടിഞ്ഞ നിലയിലായിരുന്നു മൃതദേഹമെന്നാണ് പുറത്ത് വരുന്ന വിവരം.

ഇരുട്ടായതിനാൽ ഇവർ ആനയെ കണ്ടുകാണാൻ വഴിയില്ലെന്നാണ് നിഗമനം. ആനയുടെ ചിന്നംവിളി കേട്ടതിനാൽ നാട്ടുകാർ അടുത്തേക്കെത്താൻ ഭയന്നു. 

Join Our Whats App group

https://chat.whatsapp.com/HxWx8BgbjGxEl0CFwV9FYd