കോഴിക്കോട്: മനസാക്ഷിയെ ഞെട്ടിക്കുന്ന വിവരങ്ങളാണ് ഓരോ മണിക്കൂറിലും കൂടത്തായി കൊലപാതക പരമ്പരയിൽ പുറത്തു വരുന്നത്. സയനൈഡ് കൊലയാളി ജോളി രണ്ടു കുട്ടികളെ കൂടി കൊല്ലാൻ പദ്ധതിയിട്ടിരുന്നുവെന്ന ഞെട്ടിക്കുന്ന വിവരമാണ് ഇപ്പോൾ അന്വേഷണ സംഘം പുറത്തു വിടുന്നത്. എസ്.പി കെ.ജി സൈമൺ തന്നെയാണ് ഇക്കാര്യം വെളിപ്പെടുത്തിയത്.
തഹസിൽദാർ ജയശ്രീയുടെ മകൾ, ആദ്യഭർത്താവ് റോയ് തോമസിന്റെ സഹോദരി റെഞ്ചിയുടെ മകൾ എന്നിവരെ കൊല്ലാനാണ് ജോളി പദ്ധതിയിട്ടത്. രണ്ടു ശ്രമങ്ങളും പാളിപോവുകയായിരുന്നു. ഒന്നര വയസുള്ളപ്പോഴാണ് ജയശ്രീയുടെ മകളെ ജോളി കൊല്ലാൻ ശ്രമിച്ചതെന്നാണ് പൊലീസിന് ലഭിച്ചിരിക്കുന്ന വിവരം.
ഗുരുതരമായ സ്ഥിതിയിലേക്കാണ് കേസ് പോകുന്നതെന്നും, ഇപ്പോൾ പിടികൂടിയത് കൊണ്ടാണ് കൊലപാതക പരമ്പര ഇവിടെ അവസാനിച്ചതെന്നും എസ്പി കെ.ജി സൈമൺ പറഞ്ഞു. "സത്യം പറഞ്ഞാൽ ഇത് വല്ലാത്ത സംഭവമാണ്. സീരിയസ് കേസാണ്. എല്ലാ തരത്തിലും കേസുകൾ അന്വേഷിച്ച് വരികയാണ്. രണ്ട് വീടുകളിലെ കുട്ടികളെക്കൂടി ജോളി കൊല്ലാൻ ശ്രമിച്ചിട്ടുണ്ട്. മുൻ കോൺഗ്രസ് നേതാവായിരുന്ന രാമകൃഷ്ണന്റെ മകൻ രോഹിത് നൽകിയ പരാതിയും ഗൗരവതരമായിത്തന്നെ അന്വേഷിക്കും' സൈമൺ.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: