കോഴിക്കോട്: കൂടത്തായിയിലെ റോയിയുടെ മരണവുമായി ബന്ധപ്പെട്ട് അറസ്റ്റിലായ ജോളി, മാത്യു, പ്രജുകുമാർ എന്നിവരെ ആറ് ദിവസത്തേക്ക് പൊലീസ് കസ്റ്റഡിയിൽവിട്ടു. പതിനൊന്ന് ദിവസത്തേക്ക് കസ്റ്റഡിയില് വിടണമെന്നാണ് പൊലീസ് ആവശ്യപ്പെട്ടതെങ്കിലും കോടതി ആറ് ദിവസത്തേക്ക് കസ്റ്റഡി അനുവദിച്ച് ഉത്തരവായി.
ജോളിയമ്മ ജോസഫ് എന്ന ജോളി, കാക്കവയൽ മഞ്ചാടിയിൽ മാത്യു, തച്ചംപൊയിൽ മുള്ളമ്പലത്തിൽ പി പ്രജുകുമാർ എന്നിവരെയാണ് കോടതി ഒക്ടോബര് 16 വരെ പൊലീസ് കസ്റ്റഡിയില് വിട്ടത്. പ്രതികളുടെ അഭിഭാഷകര് പൊലീസ് കസ്റ്റഡിയില് വിടുന്നതിനെ എതിര്ത്തില്ലെങ്കിലും 11 ദിവസത്തേക്ക് വിട്ടു കൊടുക്കുന്നതിനെ മാത്യുവിന്റെ അഭിഭാഷകന് എതിര്ത്തു.
കോടതിയിലെത്തിയ ജോളിയില് നിന്നും അഡ്വ. ബിഎ ആളൂരിന്റെ സംഘത്തില്പ്പെട്ട അഭിഭാഷകന് വക്കാലത്ത് ഒപ്പിട്ട് വാങ്ങി. കസ്റ്റഡിയില് പോകാന് എന്തെങ്കിലും പ്രശ്നമുണ്ടോ എന്ന് കോടതി പ്രതികളോട് ചോദിച്ചു. ഇല്ല എന്ന് മാത്യു മറുപടി പറഞ്ഞപ്പോള് പ്രജുലും ജോളിയും ബുദ്ധിമുട്ടില്ലെന്ന തരത്തില് തലയാട്ടി.
ആദ്യം പ്രജുകുമാറിനേയും പിന്നെ ജോളിയേയുമാണ് കോടതിമുറിയിലെത്തിച്ച് ഇവര്ക്ക് ശേഷം ഒരല്പം വൈകിയാണ് മാത്യു കോടതിയിലെത്തിയത്. കോടതിമുറിയില് മാത്യുവും ജോളിയും നിശബ്ദരായി നിന്നപ്പോള് ആകെ തകര്ന്ന അവസ്ഥയിലായിരുന്നു പ്രജു കുമാര്. വന്ജനക്കൂട്ടമാണ് പ്രതികളെ എത്തിക്കുന്ന വാര്ത്തയറിഞ്ഞ് താമരശ്ശേരി കോടതിക്ക് മുന്നില് തടിച്ചു കൂടിയത്. കനത്ത സുരക്ഷയാണ് കോടതിയിലും പരിസരത്തും ഒരുക്കിയിരുന്നത്.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: