ചെന്നൈ: കാലം എത്ര മാറിയാലും പൊലീസുകാരുടെ കാടത്തം മാത്രം കുറയില്ല. ബസ് ടിക്കറ്റ് എടുക്കാതെ യാത്ര ചെയ്യുന്ന പൊലീസ് ഉദ്യോഗസ്ഥർ നിരവധിയാണ്. ഇത്തരത്തിലുള്ള പൊലീസ് ഉദ്യോഗസ്ഥരുടെ വീഡിയോയാണ് ഇപ്പോൾ പ്രചരിക്കുന്നത്. ബസ് ടിക്കറ്റ് എടുക്കാൻ ആവശ്യപ്പെട്ട കണ്ടക്‌ടറെ മർദിക്കുന്നതാണ് ദൃശ്യം.
തമിഴ്നാട്ടിലെ നാഗർകോവിൽ വച്ച് തമിഴ്നാട് സർക്കാർ ബസിലാണ് സംഭവം. തിരുനെൽവേലി ബസ് സ്റ്റാൻഡിൽ നിന്നും നാഗർകോവിലേക്ക് പോകുകയായിരുന്നു പൊലീസ് ഉദ്യോഗസ്ഥർ. യാത്ര പാസ് കാണിക്കുവാൻ കണ്ടക്ടർ ആവശ്യപ്പെട്ടുവെങ്കിലും പൊലീസുകാർ അതിന് തയാറായില്ല. തുടർന്ന് ടിക്കറ്റ് എടുക്കണമെന്ന് കണ്ടക്ടർ ആവശ്യപ്പെട്ടപ്പോൾ പൊലീസുകാർ പ്രകോപിതരായി അദ്ദേഹത്തെ മർദ്ദിക്കുകയായിരുന്നു.
യാത്രക്കാരിലൊരാളാണ് ഈ ദൃശ്യങ്ങൾ പകർത്തിയത്. സംഭവം വൈറലായതിനെ തുടർന്ന നാഗർകോവിൽ എസ്പി അരുണ്‍ ശക്തികുമാർ അന്വേഷണത്തിന് ഉത്തരവിടുകയായിരുന്നു. മഹേഷ്, തമിഴരശൻ എന്നാണ് പൊലീസുദ്യോഗസ്ഥരുടെയും പേരുകൾ. ഇരുവരെയും സസ്പെൻഡ് ചെയ്തു. അറസ്റ്റ് ചെയ്ത ഇവരെ സ്റ്റേഷൻ ജാമ്യത്തിൽ വിട്ടു.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: