കോഴിക്കോട്: വർഷങ്ങളുടെ ഇടവേളയിൽ ഒരു കുടുംബത്തിലെ ആറ് പേർ മരിക്കാനിടയായ സംഭവത്തിൽ അന്വേഷണം യുവതിയിലേക്ക് കേന്ദ്രീകരിക്കുന്നു. ആറ് പേരും മരിക്കുമ്പോൾ യുവതിയുടെ സാനിധ്യം അവിടെ ഉണ്ടായിരുന്നതായിട്ടാണ് ക്രൈംബ്രാഞ്ച് അന്വേഷണ സംഘത്തിന്റെ കണ്ടെത്തൽ. കേസിൽ തെളിവുകൾ യുവതിക്ക് എതിരെയാണ് നീങ്ങുന്നതെങ്കിലും മൃതദേഹങ്ങളുടെ ശാസ്ത്രീയ പരിശോധനാ ഫലം ലഭിക്കാതെ നടപടിയിലേക്ക് കടക്കില്ലെന്നാണ് അന്വേഷണ സംഘം നൽകുന്ന സൂചന.
അതേസമയം കേസിൽ സംശയം നേരിടുന്ന യുവതിയുടെ ബാങ്ക് അക്കൗണ്ട്, മൊബൈൽ വിവരങ്ങൾ അന്വേഷണ സംഘത്തിന്റെ നിരീക്ഷണത്തിലാണ്. മരിച്ചവരുടെ ഉറ്റ ബന്ധുവാണ് സംശയം നീളുന്ന യുവതി. ഇവര് ബന്ധുക്കളുടെ മരണ ശേഷം വ്യാജ രേഖകള് ചമച്ച് സ്വത്തുക്കള് തട്ടിയെടുക്കാന് ശ്രമിച്ചിരുന്നു. അന്വേഷണം യുവതിയിലേക്ക് നീണ്ടതിന് പിന്നാലെ നുണപരിശോധനയ്ക്ക് വിധേയമാകാന് പൊലീസ് ആവശ്യപ്പെട്ടെങ്കിലും യുവതി നിഷേധിച്ചതായാണ് വിവരം. ഇതോടെയാണ് അന്വേഷണസംഘം ശാസ്ത്രീയ തെളിവുകള് തേടി കല്ലറ തുറക്കുന്നതിലേക്ക് വരെ എത്തിയത്. പരാതിക്കാരനായ റോജോയെ പരാതി നല്കുന്നതില് നിന്ന് പിന്തിരിപ്പിക്കാന് ശ്രമിച്ചതായും ആരോപണം ഉയരുന്നുണ്ട്.
ദുരൂഹ സാഹചര്യത്തില് മരിച്ച ആറു പേരുടെ കല്ലറകള് തുറന്നു പരിശോധിക്കുന്ന നപടികള് പൂര്ത്തിയാക്കി പൊലീസ് സാമ്പിളുകള് ശേഖരിച്ചു. കോടഞ്ചേരി പള്ളിയില് അടക്കിയ പത്തുമാസം പ്രായമുള്ള കുഞ്ഞിന്റെ മൃതദേഹമടക്കം പരിശോധനയ്ക്ക് വിധേയമാക്കിയിട്ടുണ്ട്. വടകര റൂറല് എസ്പി കെജി സൈമണിന്റെ നേതൃത്വത്തിലാണ് കൂടത്തായിയിലും കോടഞ്ചേരിയിലും മൃതദേഹ പരിശോധന നടന്നത്. മരണങ്ങള് കൊലപാതകമാണെന്നാണ് പൊലീസ് നല്കുന്ന സൂചന.
അന്നമ്മ, ഭര്ത്താവ് ടോം തോമസ്, മകന് റോയ് തോമസ്, അന്നമ്മയുടെ സഹോദരന് മാത്യു, ടോമിന്റെ സഹോദര പുത്രന് ഷാജുവിന്റെ ഭാര്യ സിലി, പത്ത് മാസം പ്രായമുള്ള മകള് എന്നിവരാണ് ഒരേ ലക്ഷണങ്ങളോടെ മരിച്ചത്. ക്രൈംബ്രാഞ്ചിന് നടപടികള് പൂര്ത്തിയാകുമ്പോള് ഒളിഞ്ഞു കിടക്കുന്ന നിരവധി രഹസ്യങ്ങളാണ് പുറത്തുവരാനുള്ളത്. 2002ല് ആട്ടിന് സൂപ്പ് കഴിച്ച ശേഷം കുഴഞ്ഞുവീണ് അന്നമ്മയാണ് ആദ്യം മരിച്ചത്. 2008ല് ടോം തോമസ് മരിച്ചു. 2011ല് കടലക്കറിയും ചോറും കഴിച്ച ഉടനായിരുന്നു റോയ് തോമസ് മരിച്ചത്.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: