തിരുച്ചിറപ്പള്ളി: തമിഴ്നാട്ടിലെ തിരുച്ചിറപ്പള്ളിയിൽ ജ്വല്ലറിയുടെ ഭിത്തി തുരന്ന് 50 കോടി രൂപ വില വരുന്ന സ്വർണം കവർന്നു. തിരുച്ചിറപ്പള്ളിയിലെ ലളിതാ ഗോള്ഡിന്റെ ശാഖയില് നിന്നാണ് മുഖം മൂടി ധരിച്ചെത്തിയ രണ്ടംഗസംഘം അന്പത് കോടി രൂപ മൂല്യം വരുന്ന സ്വര്ണം കവര്ന്നത്. നഗരമധ്യത്തിലെ ചൈത്രം ബസ് സ്റ്റാന്ഡിന് സമീപം സ്ഥിതി ചെയ്യുന്ന ജ്വല്ലറി അതിവിദഗ്ദ്ധമായാണ് കവര്ച്ചാസംഘം കൊള്ളയടിച്ചത്.
ഇന്നു പുലർച്ചെയായിരുന്നു മോഷണം. ജ്വല്ലറിയുടെ പിന്വശത്തെ ചുമര് തുറന്ന് അകത്തു കയറിയ കവര്ച്ചാ സംഘം പരമാവധി സ്വര്ണം ശേഖരിച്ച് രക്ഷപ്പെടുകയായിരുന്നു. രാവിലെ കട തുറക്കാനായി ജീവനക്കാര് എത്തിയപ്പോള് ആണ് കവര്ച്ചാ വിവരം പുറംലോകം അറിയുന്നത്. മൃഗങ്ങളുടെ മുഖം മൂടി ധരിച്ചെത്തിയ കവര്ച്ചക്കാരുടെ ദൃശ്യങ്ങള് ജ്വല്ലറിയിലെ സിസിടിവി ക്യാമറകളില് പതിഞ്ഞിട്ടുണ്ട്.
മോഷ്ടാക്കളെ കണ്ടെത്താനായി പ്രത്യേക അന്വേഷണസംഘം ശ്രമം ആരംഭിച്ചിട്ടുണ്ട്. പ്രദേശത്തെ എല്ലാ സിസിടിവി ക്യാമറകളും പൊലീസ് പരിശോധിച്ചു വരികയാണ് ഈ മേഖലയില് നിന്നും കഴിഞ്ഞ 24 മണിക്കൂറില് വന്നതും പോയതുമായ ഫോണ് കോളുകളുടെ വിശദാംശങ്ങളും പൊലീസ് ശേഖരിച്ചു വരികയാണ്.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: