ന്യൂഡല്ഹി: മുൻ പ്രധാനമന്ത്രി രാജീവ്ഗാന്ധി അഴിമതിക്കാരനാണെന്ന മോദിയുടെ വിവാദ പരാമർശത്തിനു ചുട്ട മറുപടി നൽകി രാഹുൽഗാന്ധി. നരേന്ദ്ര മോദിക്ക് മോദിയെക്കുറിച്ച് തോന്നുന്ന കാര്യം മറ്റുള്ളവരുടെമേല് ചാരേണ്ടെന്നും അത് നിങ്ങളെ സംരക്ഷിക്കില്ലെന്നുമായിരുന്നു രാഹുലിന്റെ ട്വീറ്റ്. രാജീവ് ഗാന്ധി ഒന്നാം നമ്പര് അഴിമതിക്കാരനായിരുന്നെന്നായിരുന്നു മോദിയുടെ പരാമർശം. തെരഞ്ഞെടുപ്പ് റാലിയില് സംസാരിക്കവെയായിരുന്നു മുന് പ്രധാനമന്ത്രി രാജീവ് ഗാന്ധിക്കെതിരേ വിവാദ പരാമര്ശം നടത്തിയത്.
മോദിക്കെതിരെ രൂക്ഷ വിമര്ശനവുമായി മുതിര്ന്ന കോണ്ഗ്രസ് നേതാവ് പി ചിദംബരവും രംഗത്ത് എത്തി. 1991 ല് കൊല്ലപ്പെട്ട രാജീവ് ഗാന്ധിയെപ്പോലൊരാളെ അപമാനിക്കുക വഴി സഭ്യതയുടെ എല്ലാ അതിര്വരമ്പുകളും മോദി ലംഘിച്ചിരിക്കുന്നെന്ന് ചിദംബരം പറഞ്ഞു. താങ്കള്ക്ക് വായന എന്നൊരു ശീലമുണ്ടോയെന്നും ഇതുവരെ എന്തെങ്കിലും താങ്കള് വായിച്ചിട്ടുണ്ടോയെന്നും ചിദംബരം ചോദിച്ചു.
-----------------------------------------------------------------------------------------------------------------------
സൂപ്പർപ്രൈംടൈം വാട്സാപ്പ് ഗ്രൂപ്പിൽ അംഗമാകുന്നതിന് ഈ ലിങ്കിൽ ക്ലിക് ചെയ്യു..
Post A Comment: