ഭൂവനേശ്വർ: അതിശക്തിയോടെ ഫോനി ചുഴലിക്കാറ്റ് തീരം തൊട്ടു. ഒഡീഷ തീര പ്രദേശമായ പുരിയിൽ ആണ് കാറ്റ് വീശിയടിക്കുന്നത്. മണിക്കൂറില് 170-200 കിലോമീറ്റര് വേഗതയിലാണ് കാറ്റ് വീശുന്നത്. ഒഡീഷയിലെ 14 ജില്ലകളിലുള്ള 12 ലക്ഷം ആളുകളെ സുരക്ഷിത സ്ഥാനങ്ങളിലേക്ക് ഒഴിപ്പിച്ചു. 900 ദുരിതാശ്വാസ ക്യാമ്പുകൾ തുറന്നിട്ടുണ്ട്.
ഒഡീഷയ്ക്ക് പുറമെ ബംഗാൾ, ആന്ധ്ര സംസ്ഥാനങ്ങളിലും കനത്ത ജാഗ്രത നിര്ദ്ദേശം നല്കിയിട്ടുണ്ട്. ഒഡീഷയിൽ ഇതുവരെ പതിനൊന്നര ലക്ഷം ആളുകളെ ഒഴിപ്പിച്ചു. ഒഡീഷയിൽ 13 ജില്ലകളിൽ റെഡ് അലർട്ട് നല്കിയിട്ടുണ്ട്.
ഒഡീഷയിലെ ഗന്ജം, ഗജപതി, പുരി, ഖുര്ദ, നയഗഢ്, കട്ടക്ക്, ധന്കനല്, ജഗത് സിങ് പൂര്, കേന്ദ്രപര, ജജ്പൂര്, കിയോഞ്ചര്, ഭദ്രക്, ബാലസോര്, മയൂര്ഭഞ്ച് തുടങ്ങിയ 14 ജില്ലകളിലെ 10000 ഗ്രാമങ്ങളെയും 54 നഗരങ്ങളെയും കൊടുങ്കാറ്റ് ബാധിക്കും. ബംഗാളില് പുര്ബ, പശ്ചിം,മേദിനിപൂര്, വടക്ക്, കിഴക്ക് സൗത്ത് 24 പര്ഗനാസാ, കൊല്ക്കത്ത എന്നിവിടങ്ങളിലും ബാധിക്കും. ആന്ധ്രപ്രദേശിലെ ശ്രീകാകുളം, വിജയനഗരം, വിശാഖപട്ടണം ജില്ലകളെയും ചുഴലിക്കാറ്റ് ബാധിക്കും.
Post A Comment: