സ്വന്തം ലേഖകൻ
ന്യൂഡെൽഹി: തെരഞ്ഞെടുപ്പ് പ്രചരണത്തിനിടെ വെയിലുകൊള്ളാതിരിക്കാൻ ഡ്യൂപ്പിനെ ഇറക്കിയ ബിജെപി സ്ഥാനാർഥി ഗൗതം ഗംഭീർ വെട്ടിൽ. തുറന്ന കാറിനു മുകളിൽ വോട്ടഭ്യർത്ഥിക്കുന്ന ഡ്യൂപ്പിന്‍റെയും അതേസമയം കാറിനുള്ളിൽ വിശ്രമിക്കുന്ന ഗൗതം ഗംഭീറിന്‍റെയും ചിത്രങ്ങൾ ആംആദ്മി പാർട്ടി പുറത്തുവിട്ടു. ആം ആദ്മി പാർട്ടി നേതാവും ഡൽഹി ഉപമുഖ്യമന്ത്രിയുമായ മനീഷ് സിസോദിയയാണ് ചിത്രസഹിതം ആരോപണം ഉന്നയിച്ചത്.
ചൂട് താങ്ങാനാകാത്തതിനാൽ കാറിനകത്ത് എസിയിൽ ഇരിക്കുന്ന ഗംഭീറിന്‍റെ ചിത്രമാണ് ട്വീറ്റ് ചെയ്തത്. അതേ വാഹനത്തിൽ ഗംഭീറിന്‍റെ രൂപസാദൃശ്യമുള്ള തൊപ്പിവെച്ച മറ്റൊരാളാണ് സ്ഥാനാർഥിക്കു വേണ്ടി ജനങ്ങളുടെ അഭിവാദ്യം സ്വീകരിക്കുന്നതും തിരിച്ച് അഭിവാദ്യം ചെയ്യുന്നതും.
ഈസ്റ്റ് ഡെൽഹിയിലെ ബിജെപി സ്ഥാനാർത്ഥിയാണ് മുൻ ക്രിക്കറ്റ് താരം കൂടിയായ ഗൗതം ഗംഭീർ. സിനിമയിൽ സ്റ്റണ്ടിന് ഡ്യൂപ്പുകളെ ഉപയോഗിക്കുന്നതായി കേട്ടിട്ടുണ്ട്. എന്നാൽ, തെരഞ്ഞെടുപ്പ് പ്രചാരണത്തിന് ഡ്യൂപ് ആദ്യമായിരിക്കുമെന്ന് ചിത്രം പുറത്തുവിട്ട് മനീഷ് സിസോദിയ പറഞ്ഞു. എന്നാൽ ആംആദ്മിയുടെ ആരോപണം ബിജെപി നിഷേധിച്ചു.
പ്രചാരണത്തിനിടെ എല്ലാവരും ചെയ്യുന്നതു പോലെ ഗംഭീറും അൽപനേരം വിശ്രമിക്കാൻ കാറിൽ കയറി. ഒപ്പമുണ്ടായിരുന്ന ചിലർ പ്രചാരണവാഹനത്തിൽ നിന്നു. ഗംഭീറിന്‍റെ സുഹൃത്തും തിരഞ്ഞെടുപ്പു പ്രചാരണത്തിന്‍റെ ചുമതലക്കാരനുമായ ഗൗരവ് അറോറയാണു ചിത്രത്തിലുള്ളതെന്നാണ് ബിജെപിയുടെ വിശദീകരണം.
സൂപ്പർ പ്രൈംടൈം വാട്സാപ്പ് ഗ്രൂപ്പിൽ അംഗമാകാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാനുള്ള ലിങ്ക് ചുവടെ..
Post A Comment: