ന്യൂഡെൽഹി: തെരഞ്ഞെടുപ്പ് തിരക്കുകൾ ഒഴിഞ്ഞതോടെ രണ്ടു ദിവസത്തെ നിശബ്ദതയിലേക്ക് പ്രധാനമന്ത്രി നരേന്ദ്രമോദി. പുണ്യ സ്ഥലങ്ങളായ കേദർനാഥ്, ബദരിനാഥ് എന്നിവിടങ്ങളിൽ ധ്യാനത്തിലിരിക്കാനാണ് മോദിയുടെ തീരുമാനം.
മോദിയുടെ അടുത്ത വൃത്തങ്ങളെ ഉദ്ധരിച്ച മൈനേഷനാണ് വിവരം പുറത്തുവിട്ടത്. മോദിയുടെ ധ്യാനത്തിനായി ഒരു ഗുഹയാണ് ക്രമീകരിച്ചിരിക്കുന്നതെന്നാണ് റിപ്പോർട്ട് പറയുന്നത്. 50 ദിവസം നീണ്ട തെരഞ്ഞെടുപ്പ് പ്രചരണങ്ങൾക്കിടെ ഒന്നര ലക്ഷം കിലോമീറ്ററോളമാണ് മോദി സഞ്ചരിച്ചത്.
പ്രധാനമന്ത്രി നരേന്ദ്ര മോദി മത്സരിക്കുന്ന വാരണസി ഉള്പ്പെടെയുള്ള 59 മണ്ഡലങ്ങളിലേയ്ക്കാണ് പോളിങ് നടക്കാനിരിക്കുന്നത്. കേദര്നാഥ് മാത്രം സന്ദര്ശിക്കാനായിരുന്നു ആദ്യം പദ്ധതിയിട്ടിരുന്നതെങ്കില് പിന്നീട് യാത്ര ബദരിനാഥിലേയ്ക്ക് കൂടി നീട്ടുകയായിരുന്നു.
സുരക്ഷാ ചുമതലയുള്ള എസ്പിജി സംഘം ഇതിനോടകം പ്രധാനമന്ത്രി എത്തുന്ന കേന്ദ്രങ്ങളില് സുരക്ഷാ പരിശോധനകള് പൂര്ത്തിയാക്കിയിട്ടുണ്ട്. ഉത്തരാഖണ്ഡിലെ കേന്ദ്രങ്ങളില് മോദിയ്ക്ക് വേണ്ടിയുള്ള താമസസൗകര്യം ഉള്പ്പെടെ തയ്യാറായിട്ടുണ്ട്. കനത്ത മഞ്ഞുവീഴ്ചയുണ്ടായാലും മോദിയെ അതിവേഗം മാറ്റാനുള്ള പദ്ധതിയ്ക്കും രൂപം കൊടുത്തിട്ടുണ്ട്.
സൂപ്പർ പ്രൈംടൈം വാട്സാപ്പ് ഗ്രൂപ്പിൽ അംഗമാകാൻ ഈ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/IeYcvZizDl2Bmro5SsP1DB
ഫെയ്സ് ബുക്ക് പേജ് ലൈക്ക് ചെയ്യുവാനുള്ള ലിങ്ക് ചുവടെ..
https://www.facebook.com/superprimetime/?modal=admin_todo_tour
Post A Comment: