പത്തനംതിട്ട: അമ്മയെ കൊലപ്പെടുത്തിയ കേസിൽ ജയിൽ ശിക്ഷ അനുഭവിക്കവെ പരോളിലിറങ്ങിയ പ്രതി സഹോദരനെ കൊന്നു. പന്നിവിഴ കോട്ടപ്പുറം മറ്റത്തിൽ പുത്തൻവീട്ടിൽ സതീഷ് കുമാറിനെയാണ് മൂത്ത സഹോദരൻ മോഹനൻ ഉണ്ണിത്താൻ കൊലപ്പെടുത്തിയത്. മോഹനനെ പരോളിൽ പുറത്തിറക്കിയത് സതീഷ് കുമാറായിരുന്നു.
വൈകിട്ട് അഞ്ചരയോടെ കുടുംബവീട്ടിലായിരുന്നു സംഭവം. അമ്മയെ കൊലപ്പെടുത്തിയതിന് ശിക്ഷിക്കപ്പെട്ട് 17 വര്ഷമായി തിരുവനന്തപുരത്തെ റന്ന ജയിലില് കഴിയുകയായിരുന്നു മോഹനന് ഉണ്ണിത്താന്.
സഹോദരനായ സതീഷ് കുമാര് രണ്ടാഴ്ച മുന്പാണ് ഇയാളെ പരോളില് ഇറക്കി വീട്ടിലെത്തിച്ചത്. ഇന്ന് പുറത്ത് പോയി മദ്യപിച്ച് വന്ന മോഹനനോട് മദ്യപിച്ചു വീട്ടില് വരരുതെന്ന് സതീഷ് പറഞ്ഞു.
ഇതില് പ്രകോപിതനായി വീട്ടിനുള്ളിലേക്ക് കയറി ഉലക്കയുമായി വന്ന മോഹനന് ഉണ്ണിത്താന് സതീഷിന്റെ തലയ്ക്ക് അടിച്ചു കൊലപ്പെടുത്തുകയായിരുന്നു. മദ്യലഹരിയിലായിരുന്ന മോഹനന് ഉണ്ണിത്താനെ പൊലീസ് കസ്റ്റഡിയില് എടുത്തു. സഹോദരങ്ങള് രണ്ടുപേരും അവിവാഹിതരാണ്.
Join Our Whats App group
https://chat.whatsapp.com/L2USinQQ81H1Nq4VBIiX94
മൂന്നാറിൽ ജീപ്പ് മറിഞ്ഞ് ഡ്രൈവർ മരിച്ചു
ഇടുക്കി: ഓട്ടത്തിനിടെ ഡ്രൈവർക്ക് ഹൃദയാഘാതം വന്നതിനെ തുടർന്ന് ജീപ്പ് മറിഞ്ഞ് ഡ്രൈവർ മരിച്ചു. ഇടുക്കിയിലെ മൂന്നാറിലാണ് അപകടം സംഭവിച്ചത്. ജീപ്പ് ഡ്രൈവർ മുനിയാണ്ടിയാണ് മരിച്ചത്.
മൂന്നാറിൽ നിന്നും ഗുണ്ടുമലയിലേക്ക് പോകുമ്പോഴായിരുന്നു അപകടം. വാഹനമോടിക്കുന്നതിനിടെ ഡ്രൈവര് മുനിയാണ്ടിക്ക് ഹൃദയാഘാതം ഉണ്ടാവുകയും വാഹനം മറിയുകയുമായിരുന്നു. വാഹനത്തിൽ ആറുപേരാണ് ഉണ്ടായിരുന്നത്.
ഇതിൽ രണ്ട് യാത്രികർക്ക് ഗുരുതരമായി പരുക്കേറ്റിട്ടുണ്ട്. പരുക്കേറ്റവരെ മൂന്നാറിലെ ടാറ്റ ജനറല് ആശുപത്രിയില് പ്രവേശിപ്പിച്ചു. പെരിയവാര പാലത്തിന് സമീപത്താണ് അപകടം നടന്നത്. പൊലീസ് മേൽനടപടി സ്വീകരിച്ചു.
Post A Comment: