ഇടുക്കി: അയ്യപ്പൻകോവിൽ പഞ്ചായത്തിലെ കെ. ചപ്പാത്തിൽ പെരിയാർ കൈയേറ്റ ശ്രമം പാളിയതോടെ കുരു പൊട്ടി രാഷ്ട്രീയ- ഉദ്യോഗസ്ഥ ലോബി.പെരിയാർ കൈയേറി രണ്ട് വ്യക്തികൾ നടത്തിയ നിർമാണം മാധ്യമങ്ങൾ വാർത്തയാക്കുകയും ജില്ലാ ഭരണകൂടവും റവന്യൂ വകുപ്പും നേരിട്ട് ഇടപെട്ട് നിർമാണം നിർത്തി വപ്പിക്കുകയും ചെയ്‌തതോടെയാണ് ലോബിയിൽപെട്ടവരുടെ കുരു പൊട്ടിയത്.
വർഷങ്ങളായി അയ്യപ്പൻകോവിൽ പഞ്ചായത്തിലെ അനധികൃത പ്രവർത്തനങ്ങൾക്ക് നേതൃത്വം നൽകുന്നതും പണപ്പിരിവ് നടത്തുന്നതും ഈ ലോബിയാണ്. മലയോര ഹൈവേയുടെ അലൈൻമെന്‍റിൽ വരെ മാറ്റം വരുത്തിയ സംഘം പഞ്യായത്തിലെ വികസന വിരോധികളെന്നാണ് അറിയപ്പെടുന്നത് തന്നെ.
പെരിയാർ കൈയേറാൻ സ്വകാര്യ വ്യക്തികൾക്ക് ഉറപ്പ് കൊടുത്തതും ഇതേ ലോബിയാണ്. ഇതിന്‍റെ പ്രതിഫലം പറ്റിയ ചിലർക്കാണ് നിർമാണം തടസപ്പെട്ടതോടെ കുരു പൊട്ടിയിരിക്കുന്നത്. റവന്യൂ ഡിപ്പർട്ട്മെന്‍റിലെയും പഞ്ചായത്തിലെയും ഉദ്യോഗസ്ഥരെ രാഷ്ട്രീയ സ്വാധീനം ഉപയോഗിച്ച് ഭീഷണിപ്പെടുത്തിയാണ് സംഘം അനധികൃത പ്രവർത്തനങ്ങൾ നടത്തി വന്നിരുന്നത്.
എന്നാൽ ചപ്പാത്തിലെ കൈയേറ്റ നിർമാണം ഉന്നത ഇടപെടലിനെ തുടർന്ന് നിർത്തി വക്കേണ്ടിവന്നത് ലോബിയെ വിറപ്പിച്ചു. ഇതോടെ കുരുപൊട്ടിയ സംഘത്തിലെ പ്രധാനി കൈയേറ്റ വാർത്ത പുറത്ത് പോയതിന്‍റെ കാരണം തേടി നടക്കുകയാണ്.
സമുദായ നേതാവാണെന്ന് പറഞ്ഞ് ജോലിയും കൂലിയുമില്ലാതെ തേരാ പാരാ നടക്കുന്ന ഇയാൾ മാധ്യമ പ്രവർത്തകരെ മാധ്യമ ധർമം പഠിപ്പിക്കാനും ശ്രമം നടത്തി. പ്രദേശത്തെ വാട്‌സാപ് ഗ്രൂപ്പിലായിരുന്നു വിദ്വാന്‍റെ മാധ്യമ ധർമ പഠനം. ഇതോടെ നാട്ടുകാർ വിദ്വാനെ ഗ്രൂപ്പിൽ നിന്നു തന്നെ പുറത്താക്കി.
അതേസമയം ചപ്പാത്തിലെ അനധികൃത നിർമാണം നിർത്തിവയ്ക്കാൻ പഞ്ചായത്തും റവന്യൂ വകുപ്പും നിർദേശം നൽകിയിട്ടുണ്ട്. രണ്ടിടത്തും തുടർന്ന് നിർമാണം നടന്നാൽ കെട്ടിടം പൊളിച്ച് നീക്കാനുള്ള ഉത്തരവുണ്ടാകും. ഇതിനിടെ എന്ത് വില കൊടുത്തും കെട്ടിടം പണിതുയർത്തുമെന്ന് കൈയേറ്റക്കാർ ഭീഷണിമുഴക്കിയതായും വിവരമുണ്ട്.
Join Our Whats App group
https://chat.whatsapp.com/IeYcvZizDl2Bmro5SsP1DB
Post A Comment: