ഇടുക്കി: ഏലപ്പാറ ബോണാമിക്ക് സമീപം സ്കൂൾ ബസും കെഎസ്ആർടിസി ബസും കൂട്ടിയിടിച്ച് വിദ്യാർഥികൾ അടക്കം ഏഴ് പേർക്ക് പരുക്ക്. ഇന്ന് രാവിലെയാണ് അപകടം സംഭവിച്ചത്. ആറ് വിദ്യാര്‍ഥികള്‍ക്കും ഒരു ബസ് യാത്രികനുമാണ് പരുക്കേറ്റത്.
പരുക്കേറ്റവരെ പീരുമേട് താലൂക്ക് ആശുപത്രിയില്‍ പ്രവേശിപ്പിച്ചു. കട്ടപ്പനയില്‍ നിന്ന് കോഴിക്കോട് ആനക്കാംപൊയിലേക്ക് പോവുകയായിരുന്ന കെ.എസ്.ആര്‍.ടി.സി സൂപ്പര്‍ഫാസ്റ്റ് ബസും പീരുമേട്ടിലെ സ്വകാര്യ സ്‌കൂള്‍ ബസും തമ്മിലാണ് കൂട്ടിയിടിച്ചത്. പാതയുടെ വീതി കുറവാണ് അപകട കാരണമെന്നാണ് പ്രാഥമിക നിഗമനം.
ആരുടെയും പരുക്കുകള്‍ ഗുരുതരമല്ല. അപകടത്തെ തുടര്‍ന്ന് നാട്ടുകാരുടെ നേതൃത്വത്തിലാണ് ഇരു വാഹനങ്ങളിലും ഉണ്ടായിരുന്നവരെ പുറത്തെത്തിച്ചത്. പീരുമേട് പൊലീസും സ്ഥലത്തെത്തിയിരുന്നു. അപകടത്തെ തുടര്‍ന്ന് അല്‍പ്പനേരം പാതയില്‍ ഗതാഗതം തടസപ്പെട്ടു. പിന്നീട് ഇരു വാഹനങ്ങളും റോഡില്‍ നിന്ന് നീക്കം ചെയ്ത ശേഷമാണ് ഗതാഗതം പുന:സ്ഥാപിച്ചത്.
Join Our Whats App group
https://chat.whatsapp.com/L2USinQQ81H1Nq4VBIiX94
Post A Comment: