ഇടുക്കിയിൽ മരം വീണ് കാർ യാത്രികൻ മരിച്ചു; മൂന്ന് പേർക്ക് പരുക്ക്

ഇടുക്കി: കനത്ത മഴയിൽ കൂറ്റൻ മരം ഒടിഞ്ഞ് കാറിലും കെഎസ്ആർടിസി ബസിനു മുകളിലുമായി വീണ് ഒരാൾ മരിച്ചു. കൊച്ചി- ധനൂഷ്കോടി ദേശീയപാതയിൽ തിങ്കളാഴ്ച്ച ഉച്ചയ്ക്ക് രണ്ടോടെയായിരുന്നു അപകടം. കാർ യാത്രികനായിരുന്ന തങ്കമണി പാണ്ടിപ്പാറ കുപ്പമലയില്‍ ജോസഫ് (63) ആണ് മരിച്ചത്.

ഇയാളുടെ ഭാര്യ അന്നകുട്ടിട (58), രാജകുമാരി കുരുവിളാ സിറ്റി പാലമലയില്‍ ജോബി ജോണ്‍ (32),  ഭാര്യ അഞ്ജു (28) എന്നിവർക്കാണ് പരുക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു. 

റോഡരികിൽ നിന്നിരുന്ന കൂറ്റൻമരം ഒടിഞ്ഞ് കാറിനും ബസിനും മുകളിലേക്ക് വീഴുകയായിരുന്നു. കാർ വെട്ടിപ്പൊളിച്ചാണ് യാത്രികരെ പുറത്തെത്തിച്ചക്. ബസ് തകർന്നെങ്കിലും യാത്രക്കാർ പരുക്കേൽക്കാതെ രക്ഷപെട്ടു. പരുക്കേറ്റ ജോബിയുടെ ഭാര്യാ പിതാവാണ് മരിച്ച ജോസഫ്.

Join Our Whats App group

https://chat.whatsapp.com/HN3zUlGc2Va9613524dFBp