ഇടുക്കിയിൽ ജീപ്പ് മറിഞ്ഞ് ഡ്രൈവർ മരിച്ചു

ഇടുക്കി: ഓട്ടത്തിനിടെ ഡ്രൈവർക്ക് ഹൃദയാഘാതം വന്നതിനെ തുടർന്ന് ജീപ്പ് മറിഞ്ഞ് ഡ്രൈവർ മരിച്ചു. ഇടുക്കിയിലെ മൂന്നാറിലാണ് അപകടം സംഭവിച്ചത്. ജീപ്പ് ഡ്രൈവർ മുനിയാണ്ടിയാണ് മരിച്ചത്. 

മൂന്നാറിൽ നിന്നും ഗുണ്ടുമലയിലേക്ക് പോകുമ്പോഴായിരുന്നു അപകടം. വാഹനമോടിക്കുന്നതിനിടെ ഡ്രൈവര്‍ മുനിയാണ്ടിക്ക് ഹൃദയാഘാതം ഉണ്ടാവുകയും വാഹനം മറിയുകയുമായിരുന്നു. വാഹനത്തിൽ ആറുപേരാണ് ഉണ്ടായിരുന്നത്. 

ഇതിൽ രണ്ട് യാത്രികർക്ക് ഗുരുതരമായി പരുക്കേറ്റിട്ടുണ്ട്. പരുക്കേറ്റവരെ മൂന്നാറിലെ ടാറ്റ ജനറല്‍ ആശുപത്രിയില്‍ പ്രവേശിപ്പിച്ചു. പെരിയവാര പാലത്തിന് സമീപത്താണ് അപകടം നടന്നത്. പൊലീസ് മേൽനടപടി സ്വീകരിച്ചു. 

Join Our Whats App group

https://chat.whatsapp.com/L2USinQQ81H1Nq4VBIiX94