കോഴിക്കോട്: സ്കൂൾ വിനോദ യാത്രക്കിടെ ഇടുക്കി മൂന്നാറിലെ പൂളിൽ കുളിച്ച 13 കാരി അമീബിക് മസ്തിഷ്ക ജ്വരം ബാധിച്ച് മരിച്ചു. കണ്ണൂര് തോട്ടടയിലെ രാഗേഷ് ബാബുവിന്റെയും ധന്യ രാഘേഷിന്റെയും മകള് ദക്ഷിണയാണ് മരിച്ചത്.
കോഴിക്കോട്ടെ സ്വകാര്യ ആശുപത്രിയില് ചികിത്സയിലിരിക്കെയാണ് കുട്ടി മരിച്ചത്. പരിശോധനയിൽ മരണം അമീബിക് മസ്തിഷ്ക ജ്വരം കാരണമാണെന്ന് കണ്ടെത്തിയിട്ടുണ്ട്.
തലവേദനയും ചര്ദ്ദിയും ബാധിച്ച് കണ്ണൂര് ചാലയിലെ സ്വകാര്യ ആശുപത്രിയിലാണ് കുട്ടി ആദ്യം ചികിത്സ തേടിയത്. പിന്നീട് ആരോഗ്യസ്ഥിതി മോശമായതോടെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.
സ്കൂളില് നിന്ന് മൂന്നാറിലേക്ക് പഠനയാത്ര പോയ സമയത്ത് കുട്ടി പൂളില് കുളിച്ചിരുന്നു. ഇതാണ് രോഗബാധയ്ക്ക് കാരണമെന്നാണ് പ്രാഥമിക നിഗമനം.
സാധാരണ അമീബ ശരീരത്തില് പ്രവേശിച്ചാല് അഞ്ച് ദിവസംകൊണ്ട് രോഗ ലക്ഷണങ്ങള് കാണുകയും വളരെ പെട്ടന്നുതന്നെ ആരോഗ്യസ്ഥിതി മോശമാവുകയും ചെയ്യാറാണ് പതിവെങ്കില്, ഈ കുട്ടിയ്ക്ക് പൂളില് കുളിച്ച് മൂന്നര മാസം കഴിഞ്ഞാണ് രോഗലക്ഷണങ്ങള് കണ്ടുതുടങ്ങിയത്.
ജനുവരി 28-ന് യാത്രപോയ കുട്ടിക്ക് മെയ് എട്ടിനാണ് രോഗലക്ഷണം കണ്ടുതുടങ്ങിയത്. നട്ടെല്ലില് നിന്നുള്ള നീരിന്റെ പരിശോധനയില് അമീബിക് ട്രോഫോ സോയിഡ്സ് കാണപ്പെടുകയും അമീബിക് മെനിന്ഞ്ചോ എന്സെഫലൈറ്റസിന് ഉള്ള ആറ് മരുന്നുകള് കുട്ടിക്ക് നല്കുകയും ചെയ്തിരുന്നതായി കുട്ടിയെ ചികില്സിച്ച ഡോക്ടര് പ്രതികരിച്ചു.
Join Our Whats App group
https://chat.whatsapp.com/L2USinQQ81H1Nq4VBIiX94
Post A Comment: