അനകപ്പള്ളി: പാമ്പിൻ പടം പോലെ ചർമം അടർന്നു പോകുക..... കേട്ടാൽ തന്നെ ഭയം തോന്നുന്ന അപൂർവ രോഗം ബാധിച്ച 21 കാരന്‍റെ വാർത്തകളാണ് ഇപ്പോൾ ആന്ധ്രാ പ്രദേശിൽ നിന്നും പുറത്തു വരുന്നത്.
പ്രഭു പ്രസാദ് എന്ന യുവാവാണ് അപൂർവ രോഗത്താൽ ബുദ്ധിമുട്ട് നേരിടുന്നത്. പാമ്പിനു സമാനമായി ഓരോ ദിവസവും ചർമം അടർന്നു പോകുന്നതാണ് ഇയാളുടെ രോഗം. ആന്ധ്രാപ്രദേശിലെ അനകപ്പള്ളിയിലാണ് യുവാവ് താമസിക്കുന്നത്.
സൂര്യപ്രകാശമേറ്റാല്‍ ശരീരം തിണിര്‍ത്തുപൊങ്ങും. പൊള്ളലേറ്റപോലെ അസഹ്യമായ വേദനയുമുണ്ടാകും. ഇതില്‍ നിന്ന് ആശ്വാസം നേടാന്‍ എല്ലാ മണിക്കൂറിലും കുളിക്കേണ്ടിവരുന്നു.
പാമ്പ് പ്രസാദ് എന്ന ഇരട്ടപ്പേരിലാണ് യുവാവ് അറിയപ്പെടുന്നത് എന്നതാണ് ദുഃഖകരം. ചര്‍മത്തിന്‍റെ അവസ്ഥ കാരണം സാമൂഹികമായ ഒറ്റപ്പെടല്‍ അനുഭവിക്കുന്നു. ഇതൊക്കെയാണെങ്കിലും, പഠിക്കാനും മെച്ചപ്പെട്ട ഒരു ഭാവി കെട്ടിപ്പടുക്കാനുമുള്ള ദൃഢനിശ്ചയത്തില്‍ മുന്നോട്ടുപോവുകയാണ്. മാത്രമല്ല, കുടുംബത്തെയും വിധവയായ അമ്മയെയും പോറ്റാന്‍ എല്ലുമുറിയെ പണിയെടുക്കുകയും ചെയ്യുന്നു.
ചെറുപ്പത്തിൽ തന്നെ അച്ഛൻ മരിച്ചു. അമ്മ അവനെ കാണിക്കാത്ത ആശുപത്രികളില്ല. എങ്കിലും പ്രഭുവിന്‍റെ രോഗാവസ്ഥ നിർണയിക്കാനോ ചികിത്സിക്കാനോ മെഡിക്കൽ പ്രൊഫഷ്ണലുകൾക്ക് കഴിഞ്ഞിട്ടില്ല എന്നതാണ് വിഷമകരം.
ഇതുപോലൊന്ന് ജീവിതത്തിൽ കണ്ടിട്ടില്ലെന് പല ഡോക്ടർമാരും സമ്മതിച്ചു. മറ്റുചിലരാകട്ടെ ഈ അവസ്ഥയ്ക്ക് ഒരു ചികിത്സയുമില്ലെന്ന് പറഞ്ഞു. കടുത്ത സാമ്പത്തിക പരിമിതികൾ നേരിടുന്നതിനാൽ സ്വകാര്യ ആശുപത്രികളിൽ ചികിത്സയ്ക്കായി സമീപിക്കാനും കഴിയാത്ത സ്ഥിതിയാണ്.
Join Our Whats App group
https://chat.whatsapp.com/IeYcvZizDl2Bmro5SsP1DB
Post A Comment: