മകന്‍റെ പ്രതിശ്രുത വധുവിനൊപ്പം പിതാവ് ഒളിച്ചോടി

റാംപൂർ: മകന്‍റെ പ്രതിശ്രൂത വധുവിനൊപ്പം പിതാവ് ഒളിച്ചോടി. ഉത്തർപ്രദേശിലെ റാംപൂരിലാണ് സംഭവം നടന്നത്. ആറ് കുട്ടികളുടെ പിതാവായ ഷക്കീലാണ് മകന്‍റെ പ്രതിശ്രുതവധുവുമായി നാടുവിട്ടത്. 

ഇരുവരും വിവാഹിതരായതായിട്ടാണ് വിവരം. ഷക്കീലിന്‍റെ 15 വയസുള്ള മകനുമായി വിവാഹം ഉറപ്പിച്ചിരുന്ന പെൺകുട്ടിയുമായിട്ടാണ് ഇയാൾ ഒളിച്ചോടിയത്. 

മകന്‍റെ ഭാവി വധുവിന്‍റെ വീട്ടിൽ സന്ദർശനം നടത്തുന്നതിനിടെയാണ് ഷക്കീലും ഭാവി വധുവായ ജബീനയും പ്രണയത്തിലായത്. രാത്രി മുഴുവൻ ഇരുവരും വിഡിയോ കോളുകൾ വിളിക്കാറുണ്ടെന്നും കുടുംബം ആരോപിക്കുന്നു. 

ഇരുവരും തമ്മിലുള്ള ബന്ധം കണ്ടെത്തിയതിനെ തുടർന്ന് മകൻ വിവാഹത്തിൽനിന്നു പിന്മാറി. തുടർന്ന് ഷക്കീലിന്‍റെ ഭാര്യയും ബന്ധത്തെ ചോദ്യം ചെയ്‌തു. ഇതോടെ ഇയാൾ ഭാര്യയെയും മകനെയും മർദിച്ചിരുന്നു. 

പിതാവിന്‍റെ വിവാഹേതര ബന്ധം അറിഞ്ഞതിനെ തുടർന്നാണ് ജബീനയെ വിവാഹം കഴിക്കാൻ വിസമ്മതിച്ചതെന്ന് 15 കാരനായ മകൻ പറയുന്നു. നാടുവിടുന്നതിനു മുൻപായി ഷക്കീൽ വീട്ടിൽനിന്ന് രണ്ടു ലക്ഷം രൂപയും 17 ഗ്രാം സ്വർണവും മോഷ്‌ടിച്ചെന്നും കുടുംബം ആരോപിക്കുന്നു.

Join Our Whats App group

https://chat.whatsapp.com/JADaOBrSTxqKfsrW1ZkLRV