ഡെറാഡൂൺ: ഉത്തരാഖണ്ഡിൽ ബസ് നദിയിലേക്ക് മറിഞ്ഞ് ഒരാൾ മരിച്ചു. 10 പേരെ കാണാതായി. രുദ്രപ്രയാഗിലാണ് അപകടം നടന്നത്. യാത്രക്കാരുമായി പോയ ബസ് അളകനന്ദ നദിയിലേക്ക് മറിയുകയായിരുന്നു.
പൊലീസും ദുരന്തനിവാരണ സേനയും നാട്ടുകാരും ചേര്‍ന്ന് ഏഴുപേരെ രക്ഷപ്പെടുത്തി. കാണാതായവര്‍ക്കുള്ള തിരച്ചില്‍ തുടരുകയാണ്. ഘോള്‍താറിനടുത്ത് ഋഷികേശ് - ബദരീനാഥ് ദേശീയപാതയിലാണ് അപകടം ഉണ്ടായത്.
ബസില്‍ പതിനെട്ട് പേരാണ് ഉണ്ടായിരുന്നതെന്ന് പൊലീസ് പറഞ്ഞു. അളകനന്ദ നദിക്ക് മുകളിലൂടെ പോകുകയായിരുന്ന ബസ് നിയന്ത്രണം വിട്ട് നദിയിലേക്ക് മറിയുകയായിരുന്നെന്നാണ് പ്രാഥമിക നിഗമനം.
രക്ഷപ്പെടുത്തിയവരെ പരുക്കുകളോടെ സമീപത്തെ ആശുപത്രിയില്‍ പ്രവേശിപ്പിച്ചു. ഉന്നത പൊലീസ് ഉദ്യോഗസ്ഥര്‍ ഉള്‍പ്പടെ സ്ഥലത്തെത്തിയിട്ടുണ്ട്. സാധ്യമായ രക്ഷാപ്രവര്‍ത്തനങ്ങള്‍ തുടരുന്നതായി ജില്ലാ ഭരണകൂടം അറിയിച്ചു.
Join Our Whats App group
Post A Comment: